শোণিতপুৰত বিধ্বংসী ধুমুহা, তচনচ ৰাজহুৱা সা-সম্পত্তি

15 নং ৰাষ্ট্ৰীয় ঘাইপথৰ ওপৰত এডাল প্ৰকাণ্ড গছ বাগৰি পৰাৰ ফলত এটা বাসগৃহ সম্পূৰ্ণৰূপে বিধ্বস্ত হোৱাৰ লগতে নিশা বহু পৰলৈকে যাতায়ত ব্যাহত হৈ পৰে ৷ লগতে কথমপি প্ৰাণৰক্ষা পৰে বাসগৃহটোত থকা কেইবাজনো লোকৰ

শোণিতপুৰ, 30 মে': শোনিতপুৰৰ বালিপাৰা, খনামুখত বিধ্বংসী ধুমুহাৰ তাণ্ডৱ ৷ ধুমুহাৰ ভাঙি পৰে বিদ্যুতৰ খুঁটা, উভালি পৰে গছ-গছনি । বুধবাৰে নিশা অহা এজাক ধুমুহাৰ ফলত বালিপৰা আৰু খনামুখৰৰ বিভিন্ন অঞ্চলত গছ-গছনি ভাঙি পৰাত কেইবাটাও বাসগৃহৰ ক্ষতি সাধন হয় । ইফালে ধুমুহাৰ ফলত বিদ্যুৎ পৰিবাহী খুঁটা ভাঙি পৰাত বিদ্যুৎ যোগান সম্পূৰ্ণ ৰূপে ব্যাহত হৈ পৰে অঞ্চলটোত । আনহাতে, 15 নং ৰাষ্ট্ৰীয় ঘাইপথৰ ওপৰত এডাল প্ৰকাণ্ড গছ বাগৰি পৰাৰ ফলত এটা বাসগৃহ সম্পূৰ্ণৰূপে বিধ্বস্ত হোৱাৰ লগতে নিশা বহু পৰলৈকে যাতায়ত ব্যাহত হৈ পৰে । লগতে কথমপি প্ৰাণৰক্ষা পৰে বাসগৃহটোত থকা কেইবা গৰাকী ব্যক্তিৰ ।