ৰঙাপৰা,২৩ এপ্ৰিল : শোণিতপুৰৰ ৰঙাপৰাত চাঞ্চল্যকৰ ঘটনা । নাহৰনি চাহ বাগিছাত এগৰাকী লোকক ছুৰীকাঘাত । দুজন ব্যক্তিৰ মাজত সংঘটিত বাক বিতণ্ডাই ৰূপ ল’লে ভয়ংকৰ সংঘাতৰ ৷ ফলস্বৰূপে এই লোমহৰ্ষক ঘটনা সংঘটিত হয় । জানিব পৰা মতে ৰঙাপৰাৰ ১ নং নামনি গাঁৱৰ সুনিল দত্ত নামৰ লোকজনে নাহৰনি চাহ বাগিচাৰ ১ নং লাইনৰ গাংগু কুমাৰ নামৰ লোক জনৰ মাজত কোনো কথাকলৈ তীব্ৰ বাক-বিতণ্ডা হৈছিল ।
এই কাজিয়াই চৰম পৰ্যায় লৈছিল আৰু অভিযোগ অনুসৰি সুনিল দত্তই ছুৰীৰে আঘাত কৰিছিল গাংগু কুমাৰক । ৰাইজে আৰক্ষীক খবৰ দিয়াত আক্ৰমণকাৰী সুনিল দত্তক আৰক্ষীয়ে আটক কৰি থানালৈ লৈ যায় ৷
