AN 32 সন্ধানঃ সাতদিনেও সন্ধান নাই বায়ুসেনাৰ অভিশপ্ত নিৰুদ্দিষ্ট বিমানৰ

বিগত সোমবাৰৰ পৰা নিৰুদ্দেশ হৈ থকা ভাৰতীয় বায়ু সেনাৰ AN 32 বিমানৰ বৰ্তমানেও সন্ধান ওলোৱা নাই ৷ সেনাবাহিনীৰ লগতে ইছৰোৰ উপগ্ৰহও ব্যৰ্থ হৈ পৰিছে অভিশপ্ত বিমানখনৰ সন্ধান উলিওৱাত ৷ শেহতীয়াকৈ উদ্ধাৰ কাৰ্যত অংশগ্ৰহণ কৰিছে অৰুণাচলৰ স্থানীয় জনতাই ৷

তেজপুৰ, 9 জুনঃ বিগত সোমবাৰৰ পৰাই নিৰুদ্দিষ্ট হৈ থকা ভাৰতীয় বায়ু সেনাৰ বিমান AN 32ৰ আজি সাতদিনৰ পিচটো সন্ধান ওলোৱা নাই ৷ যোৰহাট বায়ু সেনা চাউনীৰ পৰা অৰুণাচলৰ মেচুকালৈ বুলি উৰা মৰা বিমানখনে আদবাটতে সংযোগ বিহীন হৈ আজিলৈ নিৰুদ্দেশ হৈ আছে ৷

অধিক পঢ়কঃ বায়ু সেনাৰ বিমান ট্ৰেজেদীঃ ক'ত আৰু কেনেকৈ সন্ধানহীন হ'ল AN 32 বিমানখন

• Today, #CAS visited Air Force Station #Jorhat to assess the ongoing search operations. He was given a detailed briefing about the operations and was apprised with inputs received so far. He interacted with families of the officers and airmen who were onboard the aircraft. 6/6

  — Indian Air Force (@IAF_MCC) June 8, 2019 " class="align-text-top noRightClick twitterSection" data="

  Today, #CAS visited Air Force Station #Jorhat to assess the ongoing search operations. He was given a detailed briefing about the operations and was apprised with inputs received so far. He interacted with families of the officers and airmen who were onboard the aircraft. 6/6

  — Indian Air Force (@IAF_MCC) June 8, 2019

  ">

  Today, #CAS visited Air Force Station #Jorhat to assess the ongoing search operations. He was given a detailed briefing about the operations and was apprised with inputs received so far. He interacted with families of the officers and airmen who were onboard the aircraft. 6/6

  — Indian Air Force (@IAF_MCC) June 8, 2019

বিমানখনৰ উদ্ধাৰকাৰ্যত বায়ুসেনা, নৌসেনা আৰু স্থলসেনাৰ উন্নত বিমানৰ লগতে হেলিকপ্টাৰ তথা কোৱাডকপ্টাৰৰ লগতে ইছৰোৰ উপগ্ৰহও ব্যৱহাৰ কৰা হৈছিল যদিও সকলো ব্যৰ্থ হৈছে ৷ আনহাতে সেনাৰ উদ্ধাৰকাৰী দলক সহযোগ কৰিছে আইটিবিপিৰ লগতে অৰুণাচল আৰক্ষীৰ দলেও ৷ সপ্তম দিনত ভৰি দিয়া উদ্ধাৰ অভিযানত প্ৰতিকূল বতৰে বাধাৰ সৃষ্টি কৰিছে যদিও উদ্ধাৰকাৰী বাহিনীৰ সৈতে বিমানখনৰ সন্ধানত নামি পৰে একাংশ স্থানীয় লোক ৷ ইতিমধ্যে বায়ুসেনাই বিমানখনৰ লগতে বিমানখনত থকা তেৰগৰাকী বায়ুসেনাৰ সন্ধান দিওঁতালৈ পাঁচ লাখ টকাৰ লগতে অৰুণাচল চৰকাৰেও পঞ্চাশ হাজাৰ টকাৰ নগদ ধনৰ পুৰস্কাৰ ঘোষণা কৰিছে ৷

ৰাজ্যখনৰ কায়ং আৰু মেচুকা পাহাৰৰ মাজত আজি বায়ু সেনাই অভিযান চলায় যদিও ব্যৰ্থ হৈ উভটে বায়ুসেনাৰ হেলিকপ্টাৰ ৷ আনহাতে স্থানীয় ৰাইজৰ তিনি-চাৰিজনীয়া কেইবাটাও দলে দৰজিলিং নামৰ ঠাইত অভিযানৰ বাবে নামি পৰিছে ৷ মেচুকাৰ পৰা প্ৰায় সত্তৰ কিলোমিটাৰ দুৰত্বত থকা চীন সীমান্তৰ নিকটৱৰ্তী বৰফেৰে আবৃত এই পাহাৰতে বায়ু সেনাৰ বিমানখন ধ্বংসপ্ৰাপ্ত হোৱা বুলি সন্দেহ কৰিছে স্থানীয় ৰাইজে ৷ ইয়াৰ উপৰিও মেচুকাৰ পৰা লামাং আৰু জৰলুং অঞ্চলটো স্থানীয় চিকাৰীয়ে বিমানখনৰ সন্ধান অব্যাহত ৰাখিছে ৷