তেজপুৰ, ১১ নৱেম্বৰঃ পৰ্যটকক আদৰিবলৈ সাজু কাজিৰঙা ৰাষ্ট্ৰীয় উদ্যান ৷ ইয়াৰ সমান্তৰালভাৱে পৰ্যটকক আদৰিবলৈ সাজু তেজপুৰ ভোমোৰাগুৰিৰ নদী পৰ্যটনো । ব্ৰহ্মপুত্ৰ বুকুৰ মাজেৰে এতিয়াৰে পৰা পৰ্যটকে প্ৰত্যক্ষ কৰিব পাৰিব ৰিভাৰ ডলফিন, শিলঘাত বুঢ়াচাপৰি আৰু তেজপুৰৰ প্ৰাকৃতিক সৌন্দৰ্যও ৷ কিন্তু কেনেকৈ ?
বুধবাৰে ইটিভি ভাৰতৰ সাংবাদিকৰে হোৱা এক আছুটীয়া সাক্ষাৎকাৰত এই বিষয়ে সদৰী কৰে কাজিৰঙা ৰাষ্ট্ৰীয় উদ্য়ানৰ বন বিষয়াৰ লগতে অসম পৰ্যটন বিভাগৰ বিষয়াই ৷ প্ৰায় 6-7 খনকৈ নাওঁ চলাচল কৰিব ব্ৰহ্মপুত্ৰৰ বুকুত । তদুপৰি এইবাৰ অসম পৰ্যটন বিভাগৰ উদ্যোগত 40 জনকৈ যাত্রী একে সময়তে যাব পৰা নৌকা ব্যৱহাৰ কৰা হ'ব ।
সাক্ষাৎকাৰত স্পীড নৌকা অন্যতকৈ কিছু পৰিমাণে বিলাসী যদিও ইয়াৰ আমোদ লব পাৰিব বুলি জনায় বন বিষয়াই ৷ আনহাতে নিৰাপত্তাৰ প্ৰতি লক্ষ্য ৰাখি এন ডি আৰ এফ বাহিনী, এছ ডি আৰ এফ বাহিনীৰ ব্যৱস্থা কৰাৰ লগতে প্ৰত্যেক নৌকাত ভেশজ ক'ভাৰ থাকিব বুলিও অৱগত কৰে ।
লগতে পঢ়কঃ সেউজ ন্যায়াধীকৰণৰ নিৰ্দেশনাঃ হাহাকাৰ বৰপেটাৰ আতচবাজী উদ্যোগত
