শোণিতপুৰ, 5 জুলাইঃ কাজিৰঙাৰ গঁড়ৰ আক্ৰমণত নিহত বিশ্বনাথৰ এজন ব্যক্তি ৷ শুকুৰবাৰে গৰু খেদিবলৈ যোৱা সময়তে কাজিৰঙাৰ পৰা ওলাই অহা এটি গঁড়ে আক্ৰমণ কৰে কৃষ্ণ বাহাদুৰ আচাৰ্য্য নামৰ ব্যক্তিগৰাকীক ৷ ফলত থিতাতে নিহত হয় ব্যক্তিজন ৷ বিশ্বনাথ পানপুৰ মথাউৰিৰ কাষতে আক্ৰমণ কৰি হত্যা কৰে ব্যক্তিজনক । আনহাতে, চতিয়াৰ এই অঞ্চলত বন্য প্ৰাণীৰ আক্ৰমণত কেইবাজনো লোকে প্ৰাণ দিব লগা হৈছে বুলি মত ব্যক্ত কৰে স্থানীয় ৰাইজে ৷ ঘটনা সন্দৰ্ভত বন বিভাগক অভিযোগ দি অহাৰ পাচতো কোনো গুৰুত্ব নিদিয়াৰ অভিযোগ অঞ্চলবাসীৰ ৷
শোণিতপুৰত গড়ৰ আক্ৰমণত নিহত 1 জন
উল্লেখ্য যে, বনবিভাগে কাজিৰঙা ষষ্ঠ সংযোজনৰ বিশ্বনাথ পানপুৰ মাথাউৰিৰ কাষত চলাৰ ফেনচিংৰ ব্যৱস্থা কৰিছে বুলি কৈছে যদিও সেইয়া বৰ্তমান ফুটুকাৰ ফেনত পৰিণত হৈছে । চলাৰ ফেনচিংৰ বেটাৰি বেচিভাগ সময় বিকল হৈ থাকে বুলি অভিযোগ স্থানীয় ৰাইজৰ ।
