গুৱাহাটী, 20 অক্টোবৰ: আজি সমগ্ৰ বিশ্বৰ লগতে গুৱাহাটীৰ লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানবন্দৰৰ Air Traffic Controller ৰুমতো উলহ-মালহেৰে উদযাপন কৰা হয় আন্তঃৰাষ্ট্ৰীয় Air Traffic Controller Day ৷ Airport Authority of India North-East ৰ উদ্যোগত অনুষ্ঠিত কৰা হয় এই Air Traffic Controller Day ৷ এই অনুষ্ঠানত উপস্থিত থাকে Airport Authority of India ৰ উত্তৰ-পূৰ্বাঞ্চলৰ ভাৰপ্ৰাপ্ত বিষয়া, Airport Director, বতৰ বিজ্ঞানীকে ধৰি বিভিন্ন লোক ৷
উল্লেখ্য যে, স্থলপথত যান-বাহন নিয়ন্ত্ৰণ কৰা আপুনি বহুবাৰ দেখিছে ৷ একো একোজন যান বাহন বিষয়াই সকলো যান-জঁট নিয়ন্ত্ৰণ কৰি ধুনীয়াকৈ মোকলাই দিয়ে পথ । কিন্তু বিমানৰ ক্ষেত্ৰত কি হয় ? বিমান নিয়ন্ত্ৰণ কৰা লোক কেইজনক হয়টো আপুনি কাহানিও দেখা পোৱা নাই । কিন্তু তেওঁলোকৰ কৰ্মদক্ষতাৰ বাবেই হাজাৰ-হাজাৰ মিটাৰ উচ্চতাত বিমানসমূহ ধুনীয়াকৈ পৰিচালিত কৰা হয় । যাৰ বাবে শ-শ যাত্ৰী সুৰক্ষিত ভাৱে উৰণ অথবা অৱতৰণ কৰিব পাৰে ৷ আকাশৰ 46 হাজাৰ ফুট উচ্চতাত থকা বিমান-হেলিকপ্টাৰখন বিমানবন্দৰত উপস্থিত হোৱাৰ পিছত দুৱাৰখন খোলালৈকে সকলোবোৰ থাকে বায়ু যাতায়ত নিয়ন্ত্ৰক অথবা Air Traffic controller ৰ হাতত । প্ৰতিখন বিমানৰ সুৰক্ষিত উৰণ আৰু অৱতৰণ সফলতা পাইলটৰ লগতে থাকে Air Traffic Controller ৰ নিয়ন্ত্ৰণত ।
আনহাতে আজিৰ দিনটোতে Air Asia য়ে আগৰতলাৰ পৰা গুৱাহাটী-কলিকতা-ইম্ফল-দিল্লী লৈ সংযোগ হোৱাকে 3 খন নতুনকৈ বিমান সংযোজিত কৰে । আগৰতলা বিমানবন্দৰত Airport authority of India ৰ উত্তৰ-পূৰ্বাঞ্চলৰ ভাৰপ্ৰাপ্ত বিষয়া সঞ্জীৱ জিন্দাল, ত্ৰিপুৰাৰৰ পৰিৱহণ মন্ত্ৰী প্ৰানজিৎ সিংহা ৰয়কে ধৰি বহুতো বিষয়াৰ উপস্থিতিত ত্ৰিপুৰাৰৰ মুখ্যমন্ত্ৰী বিপ্লৱ কুমাৰ দেৱে আনুষ্ঠানিক মুকলি কৰে এই বিমান সেৱাৰ । ইপিনে অতিশীঘ্ৰেই তেজপুৰ বিমানবন্দৰকো সংযোজিত কৰা হ’ব উক্ত বিভিন্ন বিমানবন্দৰ কেইটাৰ সৈতে ।
