তেজপুৰ, ৯ নৱেম্বৰ : প্ৰথমবাৰৰ বাবে তেজপুৰৰ Baptist Christian Hospital তৰফৰ পৰা অহা ১৪ নৱেম্বৰৰ পৰা বিনামূলীয়া ক্লেফ্ট লিপ আৰু পেলেট (Cleft lip and cleft palate ) ৰ ওপৰত স্বাস্থ্য শিৱিৰ অনুষ্ঠিত কৰিবলৈ লোৱা হৈছে । এই স্বাস্থ্য শিৱিৰৰ জৰিয়তে দেশৰ আগশাৰীৰ চিকিৎসক সকলৰ দ্বাৰা অস্ত্ৰোপচাৰ ব্যৱস্থা কৰা হৈছে ৷
বৰ্তমান দেশৰ ভিতৰতে ক্লেফ্ট লিপ আৰু পেলেটৰ সমস্যা সমাধান কৰাৰ বাবে অসম চৰকাৰে এক বিশেষ পদক্ষেপ গ্ৰহণ কৰা বুলি জানিবলৈ দিয়ে চিকিৎসালয় খনৰ সঞ্চালক প্ৰধান জগদীশ চন্দ্ৰ চোলাংকীয়ে । তেওঁ কয়, বেংগালুৰু, অন্ধপ্ৰদেশ আৰু ভেলোৰৰ পৰা আহিবলগীয়া এই চিকিৎসকৰ দলটোৱে ১৪ নৱেম্বৰৰ পৰা ১৯ নৱেম্বৰ লৈকে মুঠ ৫০ গৰাকী শিশুৰ অস্ত্ৰোপচাৰ ব্যৱস্থা গ্ৰহণ কৰিব ৷
বিশেষকৈ অসমৰ শিশুৰ ক্ষেত্ৰত অধিক প্ৰাধান্য দিব বুলি জানিব দিছে । বিশেষকৈ মুখৰ ফটা ওঁঠ আৰু ফটা তালুৰ শিশু সকলক অস্ত্ৰোপচাৰ জৰিয়তে সুস্থ কৰা ব্যৱস্থা গ্ৰহণ কৰিব ৷
লগতে পঢ়ক: চিকিৎসকৰ অভাৱ ৰাজ্যৰ বহু চৰকাৰী চিকিৎসালয়ত
