তেজপুৰ, 22 অক্টোবৰ: COVID প্ৰট'কলৰ মাজেৰে আজিৰে পৰা আৰম্ভ হ'ল দেৱী দুৰ্গাৰ পূজা ৷ পূৰ্বৰ জাকজমকতাক পৰিহাৰ কৰি চাৰিওদিশে কেৱল অনুষ্টুপীয়া কাৰ্যসূচীৰেই এইবাৰ চলিব দেৱী দুৰ্গাৰ উপাসনা ৷
সাতমপুৰুষৰ তেজপুৰ মুখাৰ্জীবাৰীৰ পূজা বিগত ১৫৮ বছৰে চলি আহিছে পূৰ্বৰ পৰম্পৰা ৰক্ষা কৰি ৷ কিন্তু মহামাৰীৰ পয়োভৰত এক বিৰাম লগোৱাৰ উদ্দেশ্যে এইবাৰ তেওঁলোকে নিজ ঘৰতে কৰিলে দুৰ্গা মাৰ পূজা-অৰ্চনা ৷ উল্লেখ্য যে, শোণিতপুৰ জিলাৰ প্ৰশাসনে চৰকাৰ তথা স্বাস্থ্য বিভাগে জাৰি কৰা প্ৰট'কল ৰক্ষা কৰি মুকলিকৈ পূজা অনুষ্ঠিত কৰাৰ অনুমতি প্ৰদান কৰা নাই যদিও, তেজপুৰ চহৰত কেৱল 12 খন পূজা অনুষ্ঠিত কৰাৰহে অনুমতি প্ৰদান কৰে ৷ এইবাৰ জিলাখনত মুঠ ১৩০ খনহে পূজাৰ অনুমতি প্ৰদান কৰিছে প্ৰশাসনে ৷ ইয়াৰ পূৰ্বে কেৱল তেজপুৰতে অনুষ্ঠিত হৈছিল ১৩০ খন পূজা ৷
লগতে পঢ়ক: আপোনাৰ এধানি সহাৰিয়ে হাঁহি বিৰিঙাব কান্তেশ্বৰ সোণোৱালৰ মুখত
