চলিত বৰ্ষত ডেৰ কোটি জোপা গছ পুলি ৰোপণ কৰিবঃ মুখ্যমন্ত্ৰী

শোণিতপুৰৰ চাৰিদুৱাৰৰ ঢাৰিকাটিত বন বিভাগৰ উদ্যোগত ৰূপকোৱৰ জ্যোতি প্ৰসাদ আগৰৱালা নামেৰে নামাকৰণ কৰা উদ্যান মুকলি কৰে ৷ বিশেষকৈ যুৱ প্ৰজন্মক গছ পুলি ৰোপণ কৰি পৰিৱেশৰ বাতাবৰণ অটুত ৰাখিবলৈ আহ্বান জনাইছে মুখ্যমন্ত্ৰীয়ে ৷ উক্ত উদ্যানখনত কেইবাজোপাও গছপুলি ৰোপণ কৰে মুখ্যমন্ত্ৰী গৰাকীয়ে ৷

ৰঙাপৰা, 11 জুনঃ শোণিতপুৰৰ চাৰিদুৱাৰত উপস্থিত অসমৰ মুখ্যমন্ত্ৰী সৰ্বানন্দ সোণোৱাল ৷ মুখ্যমন্ত্ৰীয়ে ৰূপকোৱৰ জ্যোতি প্ৰসাদ আগৰৱালা নামেৰে নামাকৰণ কৰা এখন উদ্যানো মুকলি কৰে ৷

শোণিতপুৰৰ চাৰিদুৱাৰত বৃহস্পতিবাৰে বন বিভাগৰ পৃষ্ঠপোষকতাত ৰূপকোৱৰ জ্যোতি প্ৰসাদ আগৰৱালা শীৰ্ষক এহেজাৰ জোপা গছপুলি ৰোপণ আৰু প্ৰতিপালন কেন্দ্ৰ মুকলি কৰে ৰাজ্যৰ মুখ্যমন্ত্ৰী সৰ্বানন্দ সোণোৱালে । তাৰ পিছতে সংবাদ মেল সম্বোধন কৰি কয় যে, এখন প্ৰদূষণমুক্ত অসম গঢ়াৰ পৰিকল্পনা কৰা হৈছে ৷ ইতিমধ্যে পবিতৰা,কাজিৰঙা ৰাষ্ট্ৰীয় উদ্যানৰ বাবে সমগ্ৰ বিশ্বৰ লোকে অসমৰ নামটোৰ সৈতে চিনাকী বুলি কয় ৷ ৰাজ্যৰ প্ৰত্যেকজন লোককে একো জোপাকৈ গছ পুলি ৰোপণ কৰিবলৈ আহ্বান জনাইছে মুখ্যমন্ত্ৰী জনে ৷ লগতে বন বিভাগৰ উদ্যোগত নিৰ্মিত এই ৰূপকোৱৰ জ্যোতি প্ৰসাদ আগৰৱালা নামাৰে নামাকৰণ কৰা উদ্যানখনত বহু পৰিমাণ মূল্যৱান গছপুলি ৰোপণ কৰা হ'ব ৷ ইতিমধ্যে অসমত চৰকাৰে বিভিন্ন ঠাইত ১০ কোটি জোপা ৰোপণ কৰিছে আৰু বৰ্তমানলৈ ছয় কোটি জোপা গছ পুলি ৰোৱা ব্যৱস্থা চলি আছে ৷ চলিত বৰ্ষত ডেৰ কোটি জোপা বিভিন্ন ফল,ফুল,ঔষধি গছপুলি ৰোপণ কৰাৰ পৰিকল্পনা কৰিছে বুলি সাংবাদিকৰ আগত সদৰি কৰে মুখ্যমন্ত্ৰী গৰাকীয়ে ।

লগতে পঢ়ক- চিলাপথাৰত প্ৰতিফলিত আখৰেৰে লিখি উলিয়ালে নামঘোষা