তেজপুৰ ২৭ এপ্ৰিল : কৰ’ণা ভাইৰাছৰ ভয়াৱহতাৰ ফলত ভাৰতত দেখা দিয়া অক্সিজেনৰ সৰ্বাধিক নাটনিৰ পৰিপ্ৰেক্ষিতত চুবুৰীয়া ৰাষ্ট্ৰ ভূটানে মঙলবাৰে ভাৰতলৈ অক্সিজেন যোগান ধৰিবলৈ সন্মতি প্ৰদান কৰে । আজি বৈদেশিক মন্ত্ৰালয়ৰ এটা সূত্ৰই প্ৰকাশ কৰে যে, চুবুৰীয়া ৰাজ্য অসমে অক্সিজেন আমদানিৰ কাৰণে ভূটান চৰকাৰক আবেদন জনাইছিল । উক্ত আবেদনৰ পৰিপ্ৰেক্ষিতত ভূটান চৰকাৰে অক্সিজেন উৎপাদনৰ বাবে ভূটানৰ 'চানদ্ৰুপ জংকাৰৰ মটেংগাৰ' উদ্যোগিক ক্ষেত্ৰত ক্ষীপ্ৰ গতিত অক্সিজেন উৎপাদনৰ কাম অব্যাহত ৰাখিছে ।
ভূটানৰ বৈদেশিক মন্ত্ৰালয়ে জনোৱা অনুসৰি, 'মটেংগাত থকা এছডি কাইৰু জেনিক গেছ প্ৰা:লি: নামৰ এটা এফ বি আই কোম্পানীয়ে বৰ্তমান দেশত হৈ থকা ক’ভিড মহামাৰী বাবে এই কাম সম্পূৰ্ণ কৰিব পৰা নাছিল ।
মনকৰিবলগীয়া যে, এবাৰ সম্পূৰ্ণ হোৱাৰ পাছত এই কাৰখানাই লিকুইড অক্সিজেন আৰু নাইট্ৰজেন সম পৰিমাণে যোগান ধৰি ঘৰুৱা আৰু আন্তঃৰাষ্ট্ৰীয় পৰ্যায়ত ইয়াৰ প্ৰয়োজনীয়তা দূৰ কৰিব পাৰিব । বৰ্তমানলৈকে ১৫ শতাংশ অগ্ৰগতি লাভ কৰা উদ্যোগ'টোত প্ৰায় ১৫ জন ভূটানী আৰু তিনিজনীয়া বিশেষজ্ঞৰ এটা দলে কাম চলাই আছে ৷
উল্লেখ্য যে. চুবুৰীয়া দেশ ভূটানে এই মূহুৰ্তলৈকে দেশখনৰ অক্সিজেন উৎপাদন কেন্দ্ৰ 'গেলেপিও' আৰু 'ফুলচিলিঙত আংশিকভাৱে চলি আছিল অক্সিজেন উৎপাদনৰ কাম ৷ বৰ্তমানলৈকে এই প্ৰক্ৰিয়া লিকুইড পৰ্যায়তে সীমাবদ্ধ হৈ আছিল যদিও অতি কম দিনৰ ভিতৰতে উক্ত প্ৰকল্পত অক্সিজেন চিলিণ্ডাৰত ভৰ্তি কৰিবলৈ সক্ষম হ'ব বুলি দেশখনৰ বৈদেশিক সূত্ৰই প্ৰকাশ কৰিছে ।
তদুপৰি চিকিৎসা আৰু উদ্যোগিত গেছ উৎপাদন কেন্দ্ৰ গেলেপিওত এই মূহুৰ্তলৈকে ১৫০ টা ছিলিণ্ডাৰ নিৰ্মাণ কৰি উলিয়াইছে আৰু উক্ত চিলিণ্ডাৰ সমূহ স্থানীয় চিকিৎসালয়তে সীমাবদ্ধ হৈ থকা বুলি সূত্ৰই প্ৰকাশ কৰিছে ।
ইফালে চৰকাৰী সূত্ৰই প্ৰকাশ কৰিছে যে, উক্ত উৎপাদনস্থলীৰ পৰা ৩০% সম্পূৰ্ণ ৰূপে সক্ষমতা থকা এটা উৎপাদন কেন্দ্ৰই ২০০/৩০০ চিলিণ্ডাৰ ভাৰতক যোগান ধৰাৰ বাবে প্ৰস্তুত আছে । ফুলচিলিঙৰ পাছকা নামৰ অঞ্চলত থকা 'আহা' অক্সি গেছ প্ৰা: লি:ও বৰ্তমানলৈকে ৬৫% চিকিৎসাৰ প্ৰয়োজনীয় গেছ উৎপাদন কৰি আছে ।
আনহাতে পৰিচালনা সঞ্চালক উদয় কুমাৰ পঢ়েলয়ে জনায় যে, উক্ত কাৰাখানাটোৱে এদিনত ১৪০টা অক্সিজেন চিলিণ্ডাৰ উৎপাদন কৰি আছে । তদুপৰি এই গেছ সমূহ উদ্যোগিক ক্ষেত্ৰত ব্যৱহাৰ কৰি থকা হৈছে আৰু তেওঁলোকে অতিৰিক্ত চিকিৎসাৰ বাবে অক্সিজেন চিলিণ্ডাৰৰ বাবে প্ৰয়োজনীয় চিলিণ্ডাৰ প্ৰস্তুত কৰি তুলিব বুলি মন্তব্য কৰে উদয় কুমাৰ পঢ়েলয়ে ।
আনহাতে পাচকা নামৰ কোম্পানীটোৰ কাৰ্যালয়ৰ সূত্ৰই জনায় যে, কুৱালিটি নামৰ গেছ প্ৰা: লি:এ ইতিমধ্যে ৩০০ লিটাৰ লিকুইড অক্সিজেন আৰু নাইট্ৰজেন প্ৰতি ঘন্টা উৎপাদন কৰি আছে আৰু উক্ত কেন্দ্ৰটো বৰ্তমানলৈকে ৫০% শতাংশ কাৰ্যক্ষম হৈ আছে ।
তদুপৰি ভাৰত চৰকাৰে বিচাৰিলে অতিৰিক্ত ভাৱে ২০০ অক্সিজেন চিলিণ্ডাৰ প্ৰেৰণ কৰিবলৈ প্ৰস্তুত থকাৰ কথা এক প্ৰেছ বিবৃতিৰ জৰিয়তে প্ৰকাশ কৰিছে ভূটানৰ বৈদেশিক মন্ত্ৰালয়ে ।
আনহাতে ৰাজ্যৰ স্বাস্থ্য মন্ত্ৰী ড০ হিমন্ত বিশ্ব শৰ্মাই যোৱা ২৫ এপ্ৰিলত ঘোষণা কৰিছিল যে নতুনকৈ নিৰ্মাণ হৈ থকা ভূটানৰ অক্সিজেন কেন্দ্ৰৰ পৰা চিকিৎসাৰ বাবে অক্সিজেন চিলিণ্ডাৰ অনা হ'ব ৷
