চতিয়া, ২১ জানুৱাৰী: নতুন সাহিত্য পৰিষদৰ জামুগুৰিহাট শাখা, জামুগুৰিহাটৰ সুদৰ্শণ সাংস্কৃতিক কেন্দ্ৰ আৰু ড্ৰীম ৯২ৰ উদ্যোগত শুকুৰবাৰে যশস্বী নাট্যকাৰ, ভ্ৰাম্যমাণ নাট্য জগতৰ ভোটাতৰা স্বৰূপ ভোলা কটকীক মৰণোত্তৰভাৱে 'মঞ্চৰত্ন 'উপাধি প্ৰদান কৰা হয় (Bhola Kotoky posthumously conferred Manchratna)। জামুগুৰিহাটৰ বাপুজী ভৱনত অনুষ্ঠিত এই উপাধি প্ৰদান অনুষ্ঠানত সভাপতিত্ব কৰে জামুগুৰি উচ্চতৰ মাধ্যমিক বিদ্যালয়ৰ অৱসৰী শিক্ষক তথা জামুগুৰি সুদৰ্শন সাংস্কৃতিক কেন্দ্ৰৰ সভাপতি ধৰণীধৰ দাসে (Bapuji Bhavan of Jamugurihat)।
নতুন সাহিত্য পৰিষদৰ সম্পাদক তথা সমাজকৰ্মী মনোজ ভূঞাই আঁতধৰা সভাখনত মুখ্য অতিথি ৰূপে উপস্থিত থাকে তেজপুৰৰ বিধায়ক তথা গণশিল্পী বিষ্ণু ৰাভাৰ পুত্ৰ পৃথ্বীৰাজ ৰাভাই (Bishnu Rabha) ৷ স্থানীয় সংগীয়া মাজৰচুক গাঁৱৰ মহিলাসকলৰ দ্বাৰা দীহানাম পৰিবেশনৰে শুভাৰম্ভ হোৱা এই উপাধি প্ৰদান অনুষ্ঠানটোতে এখনি স্মৰণিকা উন্মোচন কৰে নাট্যশিল্পী মৃণাল গোস্বামীয়ে ৷ তেওঁ জামুগুৰিহাটৰ দৰে এখন ঠাইৰপৰা গৈ ৫০ৰ দশকতে সৰ্বভাৰতীয় পৰ্যায়ত নাট্যজগতত জিলিকাই তোলা ভোলা কটকীৰ কৰ্মৰাজিৰ কথা উল্লেখ কৰে ৷ একেদৰে পিতৃ বিষ্ণু প্ৰসাদ ৰাভাৰ লগত তেওঁলোকৰ চোতালত একেলগে বহি ভোলা কটকীয়ে নাট্যচৰ্চা কৰাৰ বিষয়ে উল্লেখ কৰে বিধায়ক পৃথ্বীৰাজ ৰাভাই । তেওঁ শৈশৱতে লাভ কৰা ভোলা কটকীৰ সান্নিধ্যৰ বিষয়ে ব্য়াখ্য় কৰে (MLA Prithviraj Rabha) ৷
দবা ,কাঁহ আয়তীৰ উৰুলীৰ মাজত বিধায়ক ৰাভাই ভোলা কটকীৰ সহধৰ্মিনীক মৰণোত্তৰভাৱে 'মঞ্চৰত্ন' উপাধি প্ৰদান কৰে ৷ এই অনুষ্ঠানটোত আন এগৰাকী মুখ্য অতিথি তথা এসময়ৰ আকাশবাণী যোগে প্ৰচাৰিত ধাৰাবাহিকৰ অভিনেতা তৰুণ শইকীয়াও উপস্থিত থাকে ৷ উল্লেখ্য যে প্ৰয়াত ভোলা কটকীয়ে অসম চৰকাৰৰ ফণী শৰ্মা বঁটা, অসম ৰাজ্যিক চলচ্চিত্ৰ উন্নয়ন নিগমৰ জীৱনজোৰা সাধনা বঁটাৰ লগতে মুনলাইট মিদিয়া বঁটাও লাভ কৰিছিল । এই উপাধি প্ৰদান অনুষ্ঠানত সন্ধিয়া সাংস্কৃতিক কাৰ্যসূচীৰো আয়োজন কৰা হয় ।
ভোলা কটকী এগৰাকী প্ৰতিষ্ঠিত নাট্যকাৰ আৰু মঞ্চ তথা চলচ্চিত্ৰ অভিনেতা আছিল । তেওঁ একাংকিকা নাটৰ বাটকটীয়াসকলৰ অন্যতম আছিল । ভবেন্দ্ৰনাথ শইকীয়াৰ বোলছবি 'অনিৰ্বাণ'ত ভোলা কটকীয়ে ৰজনী মাষ্টৰৰ চৰিত্ৰত অভিনয় কৰি দৰ্শকৰ সমাদাৰ লাভ কৰিবলৈ সক্ষম হৈছিল । শিক্ষকতাৰে কৰ্মজীৱনৰ পাতনি মেলা ভোলা কটকীয়ে নটৰাজ থিয়েটাৰৰ যোগে ভ্ৰাম্যমাণ থিয়েটাৰত আত্মপ্ৰকাশ কৰিছিল । ২০২২ চনৰ ৪ নৱেম্বৰত তেওঁ জীৱন নাটৰ সামৰণি পৰিছিল ।
লগতে পঢ়ক:Add on insurance covers for cars: বীমা পলিচি আপোনাৰ বাহনখনৰ বাবে কিমান প্ৰয়োজন ?
