স্কুটি চোৰ কৰিবলৈ গৈ ৰঙাপৰাত আটক এজন

উত্তম-মাধ্যম দি আৰক্ষীক গতাই দিলে ৰাইজে

শোণিতপুৰৰ ৰঙাপৰাত শুকুৰবাৰেনিশা স্থানীয় ৰাইজে স্কুটিসহ আটক কৰে এটা চোৰক । প্ৰাপ্ত তথ্য অনুসৰি ২৭ ফেব্ৰুৱাৰীত ৰঙাপৰা ৰেলৱে কলনিৰ নিৱাসী নৰ বাহাদুৰ ছেত্ৰীৰ পুত্ৰ ডম্বুৰু ছেত্ৰীয়ে তাৰাজুলি চাহ বাগিছাৰ নিৱাসী কৰণ তাঁতীৰ হাতৰ পৰা AS-12C-7527নম্বৰৰ স্কুটিখন অতি কৌশলেৰে লৈ যায় আৰু নিজবাসগৃহত লুকুৱাই ৰাখে।

পিচত স্থানীয় ৰাইজে চোৰজনক উত্তম মাধ্যম শোধাই ৰঙাপৰা আৰক্ষীৰ হাতত গতাই দিয়ে। শনিবাৰে চোৰজনক আৰক্ষীয়ে জেল হাজোতলৈ প্ৰেৰণ কৰে।