বনৰীয়া হাতী পোৱালীৰ মৃতদেহ উদ্ধাৰ

ৰাজ্যত ভয়াৱহ বানে সাধাৰণ ৰাইজৰ লগতে বিপদ মাতিছে পশুকুললৈ ৷ শেহতীয়াকৈ শোণিতপুৰ জিলাত উদ্ধাৰ হয় এটি হাতী পোৱালীৰ মৃতদেহ ৷

জামুগুৰি, 16 জুলাইঃ ৰাজ্যত সংহাৰী বানে ভয়ংকৰ ৰূপ ধাৰণ কৰিছে ৷ সাধাৰণ ৰাইজৰ লগতে বানে বিপদ মাতিছে পশুকুললৈ ৷ শেহতীয়াকৈ শোণিতপুৰ জিলাৰ জামুগুৰিহাটত উদ্ধাৰ হয় এটি হাতী পোৱালীৰ মৃতদেহ ৷

জামুগুৰিহাটৰ টৌভঙা গড়বিল পথাৰত মঙলবাৰে উদ্ধাৰ হয় এটি বনৰীয়া হাতী পোৱালীৰ মৃতদেহ ৷ নামেৰী ৰাষ্ট্ৰীয় উদ্যানৰ পৰা হাতী পোৱালীটো ওলাই আহি এইদৰে বানৰ কৱলত পৰি মৃত্যু হোৱা বুলি সন্দেহ কৰিছে স্থানীয় ৰাইজে ৷ হাতী পোৱালীটোৰ আনুমানিক 3বছৰীয়া হ'ব বুলি প্ৰকাশ কৰিছে বিভাগীয় কৰ্তৃপক্ষই ৷

ঘটনাস্থলীত স্থানীয় আৰক্ষীৰ লগতে দীপলোঙা বনাঞ্চলিক বিষয়াৰ দল উপস্থিত হৈ হাতী পোৱালীটো মৰনোত্তৰ পৰীক্ষা সম্পন্ন কৰে ৷