তেজপুৰ, 20 মাৰ্চ: গুপ্তযুগৰ প্ৰাচীন ইতিহাস আৰু সমলেৰে সমৃদ্ধ আৰু পৰিপুষ্ট ঐতিহাসিক সাংস্কৃতিক নগৰী তেজপুৰ । চহৰখনৰ পৌৰাণিক ইতিহাস প্ৰমাণ কৰি আহিছে বিভিন্ন প্ৰাচীন যুগৰ শিলাস্তম্ভ, শিলত খোদিত ভাস্কৰ্য আদিয়ে (Gupta Yug sculpture) ৷
গুপ্তযুগৰ ঐতিহাসিক সমল সমৃব্ধ এক স্থান হ’ল তেজপুৰৰ মধ্য অঞ্চলৰ মাজগাঁও হিচাবে পৰিচিত গাঁৱখনৰ এটা প্ৰচীন চুবুৰী ঘৰপৰা চুবুৰী ৷ পৌৰাণিক দৌল তথা মন্দিৰৰ ভগ্নাৱশেষে ইয়াৰ গুপ্তযুগৰ ঐতিহাসিক স্মৃতি বহন কৰি আহিছে (Architecture of Gupta dynasty) ৷
উল্লেখ্য যে, ঘৰপৰা চুবুৰীৰ দৌলগুৰিত গুপ্তযুগৰে এক দৌলৰ ভগ্নৱশেষ উদ্ধাৰ হোৱা আৰু ইয়াৰ আশেপাশে বহু কাৰুকাৰ্য খোদিত শিলাখণ্ডৰ উদ্ধাৰে অঞ্চলটোৰ ঐতিহাসিক পটভূমিৰ বিষয়ে প্ৰকাশ কৰে ৷ এই দৌলগুৰিতে আকৃতিত সৰু এখন শৈলদ্বাৰ উদ্ধাৰ কৰা হৈছিল ৷ প্ৰায় এশ বছৰ পূৰ্বে উদ্ধাৰ হোৱা এই শৈলদ্বাৰত তিনি নাৰীমূৰ্তি খোদিত আছে আৰু এইখন শৈলদ্বাৰ গুপ্তযুগৰে বুলি ধাৰণা কৰা হৈছে (cultural heritage of Tezpur) ৷
বৰ্তমান এই দ্বাৰখন ঘৰপৰা চুবুৰীৰে শ্ৰী শ্ৰী গোপাল গোঁসাই থানত ৰখা হৈছে ৷ প্ৰণিধানযোগ্য যে, এইখন শৈলদ্বাৰ আৰু দপৰ্বতীয়াৰ বিখ্যাত শৈলদ্বাৰৰ সৈতে যথেষ্ট সাদৃশ্য আছে ৷ ইয়াত উদ্ধাৰ হোৱা বিভিন্ন প্ৰস্থৰ খণ্ড আৰু সমল পৰৱৰ্তী সময়ত বিভিন্ন স্থানলৈ স্থানান্তৰ কৰা হয় (Gupta Architecture) ৷
দৌলগুৰি শ্মশানত এটা মাটিৰ ঢিপ আছে ৷ ইয়াত পূৰ্বে এক মন্দিৰ আছিল বুলিও ধাৰণা কৰা হৈছে ৷ অৱশ্যে বৰ্তমানেও ইয়াৰ বিজ্ঞানসন্মত অধ্যয়ন কৰা হোৱা নাই ৷ এই অঞ্চলত পুৰাতত্ব বিভাগে অধ্যয়ন চলোৱাটো অতি আৱশ্যক আছিল যদিও তাৰ ব্যৱস্থা গ্ৰহণ কৰা হোৱা নাই ৷
বৰ্তমান তেজপুৰৰ এক ৰাজহুৱা শ্মশান দৌলগুৰি প্ৰকৃততে দ’লৰ গুৰি নামৰ পৰাই উৎপত্তি হোৱা বুলি ধাৰণ কৰা হয় ৷ ইয়াত বৰ্তমান বহুসংখ্যক প্ৰাচীন শৈলস্তম্ভৰ অংশ সংৰক্ষিত হৈ আছে ৷ শ্মশান পৰিচালনা সমিতিয়ে এইখন শ্মশানখনত বৰ্তমান ভালেসংখ্যক প্ৰত্নতাত্বিক সমল সংৰক্ষিত কৰি ৰাখিছে (Gupta Architecture of Tezpur) ৷
লগতে পঢ়ক: Helicopter crash in Arunachal: ‘বাৰ্মুদা ট্ৰায়েংগল’ হৈ পৰিছে নেকি অৰুণাচলৰ দুৰ্গম পাহাৰীয়া অঞ্চল ?
