তেজপুৰত মোবাইলৰ বাবে দুৰ্বৃত্তই কাটিলে যুৱকৰ হাত

তেজপুৰৰ পাঁচমাইলত অঘটন ৷  দুই দুৰ্বৃত্তই মোবাইল কাঢ়িবলৈ গৈ জাকিৰ হুছেইন নামৰ যুৱকজনৰ এখন হাত কাটি আঘাতপ্ৰাপ্ত কৰে৷

তেজপুৰ 30 জুনঃ তেজপুৰৰ পাঁচমাইলত অঘটন ৷ দুই দুৰ্বৃত্তই মোবাইল কাঢ়িবলৈ গৈ জাকিৰ হুছেইন নামৰ যুৱকজনৰ এখন হাত কাটি আঘাতপ্ৰাপ্ত কৰে ৷ ঘটনাৰ বিৱৰণী মতে, তেজপুৰ আৰক্ষী চকীৰ অন্তৰ্গত পাঁচমাইলত শনিবাৰে নিশা প্ৰায় ৯:৪৫ বজাত দুই দুৰ্বৃত্তই পাঁচমাইল হাইস্কুল ফিল্ডত জাকিৰ হুছেইনৰ পৰা মোবাইল ফোনটো কাঢ়িবলৈ গৈ এই কাণ্ডটো সংঘটিত কৰে ৷ এই ঘটনাটো সংঘটিত হৈছে বৰঘাট আৰক্ষী চকীৰ পৰা প্ৰায় 500 মিটাৰ দূৰত্বত ৷ বৰ্তমানে জাকিৰ তেজপুৰ অসামৰিক চিকিৎয়ালয়ত চিকিৎসাধীন হৈ আছে ৷