তেজপুৰ, 26 জুনঃ শুকুৰবাৰে সংঘটিত এক দুৰ্ঘটনাৰ ফলত মৃত্যুক সাৱটি লয় বৰছলা আৰক্ষী চকীৰ উপ পৰিদৰ্শক পোনাৰাম শইকীয়াই ৷ তেজপুৰ সদৰ থানাৰ অন্তৰ্গত ডিপোটাৰ ৰাষ্ট্ৰীয় ঘাইপথৰ কাষৰ এজোপা গছত তেওঁ নিজেই চলাই থকা গাড়ীখনেৰে খুন্দা মৰাৰ ফলত সংঘটিত হয় এই ঘটনা ৷
তেজপুৰত পথ দুৰ্ঘটনাত মৃত্যু আৰক্ষী বিষয়াৰ
দুৰ্ঘটনা সংঘটিত হোৱাৰ পিচতে গুৰুতৰভাৱে আঘাতপ্ৰাপ্ত আৰক্ষী উপ পৰিদৰ্শক গৰাকীক সংকটজনক অৱস্থাত ততাতৈয়াকৈ, তেজপুৰৰ মিচন চাৰিআলিস্থিত ব্যাপ্টিষ্ট খ্ৰীষ্টিয়ান হাস্পতাললৈ লৈ যোৱা হৈছিল ৷ কিন্তু চিকিৎসাধীন অৱস্থাতে মৃত্যুক সাৱটি লয় নগাঁও জিলাৰ হয়বৰগাঁৱৰ আৰক্ষী গৰাকীয়ে ৷
লগতে পঢ়কঃ আমিনগাঁৱৰ জয়গুৰু বৌদ্ধ মন্দিৰৰ সমীপত ভয়ংকৰ ভূমিস্খলন
