শিৱসাগৰ , 11 এপ্ৰিল : " যোৰহাট সমষ্টিত বিজেপিতকৈ 7/8 হাজাৰ ভোট বেছি পাম ৷ " পুৱা 8 বজাত যোৰহাট লোকসভা সমষ্টিৰ কংগ্ৰেছ প্ৰাৰ্থী সুশান্ত বৰগোহাঁয়ে 54 নং ডিমৌ টাউন হাইস্কুল কেন্দ্ৰত ভোটদান কৰিবলৈ গৈ এই মন্তব্য প্ৰকাশ কৰে ৷
যোৰহাট সমষ্টিত বিজেপিতকৈ 7/8 হাজাৰ ভোট বেছি পাম : সুশান্ত বৰগোহাঁই
আজি ৰাজ্যত আৰম্ভ হ'ল লোকসভা নিৰ্বাচনৰ প্ৰথম পৰ্যায়ৰ ভোট গ্ৰহণ প্ৰক্ৰিয়া ৷ 54 নং ডিমৌ টাউন হাইস্কুল কেন্দ্ৰত ভোটাধিকাৰ সাব্যস্ত কৰিলে 12 নং যোৰহাট লোকসভা সমষ্টিৰ কংগ্ৰেছ দলৰ প্ৰাৰ্থী সুশান্ত বৰগোহাঁয়ে ৷ আনহাতে 160 নং নগাহাট কছাৰী মধ্য ইংৰাজী বিদ্যালয়ৰ ভোট কেন্দ্ৰত বিজেপি প্ৰাৰ্থী তপন গগৈয়ে মাতৃ,পত্নী, সন্তান সহিত ভোটদান কৰে ৷ উল্লেখ্য নিজৰ বিজয় নিশ্চিত বুলি দৃঢ় বিজেপি প্ৰাৰ্থী তপন গগৈ ৷
