শিৱসাগৰ, 6 মাৰ্চ: বিধানসভা নিৰ্বাচনলৈ মাজত মাথো এটা মাহ বাকী ৷ এই সময়ত এতিয়া ৰাজ্যত বলিছে নিৰ্বাচনী গৰম বতাহ ৷ আৰম্ভ হৈছে ভোটৰক আকৰ্ষিত কৰাৰ ন-ন কৌশল ৷ ইয়াৰ মাজতে শনিবাৰে ঐতিহাসিক শিৱসাগৰ বিধানসভা সমষ্টিৰ বিজেপি দলৰ প্ৰক্ষেপিত বিজেপি-অগপ মিত্ৰজোঁটৰ প্ৰাৰ্থী সুৰভি ৰাজকুমাৰীক আমগুৰি অগপৰ তৰফৰ পৰা জাঁজীত বিপুল আদৰণি জনোৱা হয় ৷ কেইবা শতাধিক দলীয় সমৰ্থকে উস্ম আদৰণি জনাই নেত্ৰী গৰাকীক ৷
উল্লেখ্য যে,শিৱসাগৰ সমষ্টিৰ বাবে বিজেপিৰ পৰা টিকট লাভ কৰি প্ৰথমবাৰৰ বাবে শিৱসাগৰলৈ অহা সুৰভি ৰাজকুমাৰীক জাঁজীতো অগপৰ বিধান পৰিষদৰ সভাপতি বিপুল বৰকটকীৰ নেতৃত্বত প্ৰায় শতাধিক দলীয় কৰ্মীয়ে আদৰণি জনায় ৷
