শিৱসাগৰৰ ভয়াৱহ পথ দুৰ্ঘটনাত নিহত এগৰাকী লোক

দেওবাৰে নিশা শিৱসাগৰত সংঘটিত হয় এক ভয়াৱহ দুৰ্ঘটনা ৷ দুৰ্ঘটনাত নিহত হয় মুজিবুৰ ৰহমান নামৰ এগৰাকী লোক ৷ প্ৰৱল বৰষুণৰ ফলত সৃষ্টি হোৱা হোৱা বোকাময় পথত নিয়ন্ত্ৰণ হেৰুৱাই দুৰ্ঘটনা সংঘটিত হোৱাৰ সন্দেহ স্থানীয় লোকৰ ৷

শিৱসাগৰ, 20 জানুৱাৰীঃ শিৱসাগৰ চহৰৰ 37 নং ৰাষ্ট্ৰীয় ঘাইপথৰ বাইপাছত দেওবাৰে নিশা সংঘটিত হয় এক ভয়াৱহ পথ দুৰ্ঘটনা ৷ দুৰ্ঘটনাত নিহত হয় মুজিবুৰ ৰহমান নামৰ এগৰাকী লোক ৷ AS-02BC-3981 নম্বৰৰ মাছ কঢ়িওৱা টাটা ডি আই গাড়ীখন নিশা প্ৰায় 2 মান বজাত নিয়ন্ত্ৰণ হেৰুৱাই পথৰ কাষত পৰি এই দুৰ্ঘটনা সংঘটিত হয় ৷ নিশা প্ৰৱল বৰষুণৰ ফলত সৃষ্টি হোৱা হোৱা বোকাময় পথৰ বাবে দুৰ্ঘটনা সংঘটিত হোৱাৰ সন্দেহ কৰাৰ লগতে,যথা সময়মত ঘটনাস্থলীত আৰক্ষীৰ লোক উপস্থিত নোহোৱাৰ অভিযোগ উত্থাপন স্থানীয় লোকৰ ৷

লগতে পঢ়কঃ আমগুৰিত আবকাৰী বিভাগৰ অভিযানত সুৰাভৰ্তি ট্ৰাক জব্দ