আমগুৰিত শক্তি বিভাগৰ কাৰ্যালয় ঘেৰাও ৰাইজৰ

শক্তি বিভাগ মুৰ্দাবাদ,আমগুৰি বিদ্যুৎ বিষয়া গ'বেক,শক্তিমন্ত্ৰী মুৰ্দাবাদ,ধ্বনিৰে উত্তাল আমগুৰি ৷ শক্তি বিভাগৰ কৰ্মকাণ্ডত অতীষ্ঠ ৰাইজে সাব্যস্ত কৰিলে প্ৰতিবাদ ৷

শিৱসাগৰ,15 জুলাই: আমগুৰিত শক্তি বিভাগৰ কাৰ্যালয় ঘেৰাও লালিম ছিগাৰ ৰাইজৰ লগতে ছাত্ৰ মুক্তি সংগ্ৰাম সমিতিৰ ৷ অসম শক্তি বিতৰণ কোম্পানীৰ কাণ্ডত অতীষ্ঠ হৈ লালিম ছিগাৰ ৰাইজে গ্ৰহণ কৰিলে এই কাৰ্যসূচী ৷ প্ৰতিমাহে বিদ্যুতৰ বিল প্ৰেৰণ কৰি অহাৰ পাচতো সাধাৰণ ৰাইজক ৫০ হাজাৰ পৰ্যন্ত বিদ্যুৎ বিল প্ৰেৰণত ক্ষুণ্ণ হৈ পৰা ৰাইজে অৱশেষত ৰূপায়ণ কৰে প্ৰতিবাদী কাৰ্যসূচী ৷

উল্লেখ্য যে,অতিৰিক্ত বিদ্যুতৰ বিল প্ৰেৰণ সন্দৰ্ভত আমগুৰি বিদ্যুৎ বিভাগৰ বিষয়াক ভুক্তভোগী ৰাইজে স্মাৰক পত্ৰ প্ৰদান কৰিছিল যদিও বিষয়াগৰাকীয়ে কোনো গুৰুত্ব প্ৰদান নকৰাত কাৰ্যালয় ঘেৰাও কৰিবলৈ বাধ্য হয় ৰাইজ।