সোণাৰি, ২ জুনঃ গোপন সূত্ৰৰ তথ্যৰ ভিত্তিত সোমবাৰে নিশা সোণাৰিৰ ৯ নং ৱাৰ্ডত সেনা বাহিনীয়ে চলোৱা এক অভিযানত বন্দুক,সজীৱ গুলী,ড্ৰাগছ আৰু গাঞ্জাসহ এজন যুৱক আটক হয় । আটকাধীন যুৱকজন কাঞ্চন দাস (৩৫) বুলি জানিব পৰা গৈছে ।
সোণাৰিত বন্দুক, গুলী, ড্ৰাগছসহ আটক যুৱক
আটকাধীন যুৱকজনৰ পৰা সেনা বাহিনীয়ে এটা ৯ এমএম বন্দুক,দুটা মোবাইল,৬টা সজীৱ গুলি,বহু সংখ্যাক ড্ৰাগছ,গাঞ্জাৰ লগতে ড্ৰাগছ সেৱন কৰা পাত্ৰ জব্দ কৰে । উল্লেখ্য যে, দীৰ্ঘদিন ধৰি নগালেণ্ডৰ পৰা অস্ত্ৰ আৰু নিচাযুক্ত দ্ৰৱ্য সৰবৰাহ কৰাৰ অভিযোগ উত্থাপন হৈছে যুৱকজনৰ বিৰুদ্ধে । পূৰ্বতেও অস্ত্ৰ আৰু ড্ৰাগছ ব্যৱসায় কৰাৰ অভিযোগত আৰক্ষীয়ে যুৱক জনক জেল হাজোতলৈ প্ৰেৰণ কৰিছিল বুলি জানিব পৰা গৈছে । সম্প্ৰতি সেনা বাহিনীয়ে সোণাৰি আৰক্ষীৰ হাতত চমজাই দিছে আটকাধীন যুৱকজনক ।
লগতে পঢ়কঃ গোলকগঞ্জত কৰ'ণা আক্ৰান্তৰ পৰিয়ালক সহায়ৰ হাত পঞ্চায়ত সভাপতিৰ
