আমগুৰি, 11 জুন : আমগুৰি ৰাজহ চক্ৰ বিষয়া কাৰ্যালয়ৰ সন্মুখত অঘটন ৷ এটা বৈদ্যুতিক খুটাত থকা ডি বি বক্সত সূত্ৰপাত হয় অগ্নিকাণ্ডৰ ৷ সন্ধিয়া প্ৰায় 8 বজাত সংঘটিত হয় এই অগ্নিকাণ্ড ৷ অগ্নিকাণ্ডত সম্পূৰ্ণৰূপে জ্বলি যায় বৈদ্যুতিক ডি বি বক্সটো ।
ফলত স্থানীয় লোকৰ মাজত সৃষ্টি হয় এক আতংকময় পৰিৱেশৰ । বৈদ্যুতিক ডি বি বক্সটো জ্বলি যোৱাৰ ফলত প্ৰায় আধা ঘন্টা ধৰি আমগুৰি নগৰত বন্ধ হৈ পৰে বিদ্যুৎ সেৱা । ঘটনাস্থলীত আমগুৰি ৰাজহ চক্ৰ বিষয়া লগতে বিদ্যুৎ বিভাগৰ কৰ্মচাৰী উপস্থিত হৈ বিদ্যুতৰ পুনৰ মেৰামতি কৰে ।
লগতে পঢ়ক: ত্ৰিপুৰাত স্কুলীয়া ছাত্ৰীক প্ৰদান কৰা হ’ব বিনামূলীয়া চেনিটাৰী নেপকিন
