আমগুৰি,৯ জুন: ব্যতিক্ৰমী সোৱাদেৰে চাহৰ বজাৰ দখলৰ বাবে সাজু হৈছে আমগুৰিৰ বেম্ব' টী(Amguri bombay tea ready to occupy tea market) । আমগুৰিৰ এখন গাঁৱৰ এগৰাকী ক্ষুদ্ৰ চাহ খেতিয়কে নিজৰ চাহ বাগানৰ চাহপাতেৰে ঘৰতে তৈয়াৰ কৰি উলিয়াইছে এই বিশেষ চাহবিধ । আমগুৰি ৰতনপুৰীয়া গাঁৱৰ প্ৰহ্লাদ খনিকৰে প্ৰস্তুত কৰিছে এই বিশেষ বেম্ব' টী ।
নিজৰ ক্ষুদ্ৰ চাহ বাগিচাত জৈৱিক পদ্ধতিৰে গঢ় দি এটি কলি দুটি পাতেৰে প্ৰস্তুত কৰিছে এই বিশেষ পানীয় বিধ । বাঁহৰ চুঙাত বিশেষ পদ্ধতিৰে চাহপাতৰ কলি সুমুৱাই এমাহৰ পৰা ডেৰমাহ পৰ্যন্ত জুইৰ উত্তাপত ৰাখি প্ৰস্তুত কৰিছে এই বিশেষ বেম্ব' টী । 'গ্ৰীণ টী'ৰ পিছত বেম্ব' টীৰ বজাৰ দখল কৰিবৰ কাৰণে সাজু হোৱা চাহ খেতিয়ক প্ৰহ্লাদ খনিকৰে এটা চুঙাৰ দাম ১৫০০ টকাকৈ বিক্ৰী কৰি আহিছে ।
অসমৰ বজাৰ দখল কৰিব পৰাকৈ এইগৰাকী ক্ষুদ্ৰ চাহ খতিয়কে দেখুৱাইছে আদৰ্শৰ বাট । যি সময়ত কেঁচা চাহপাত ক্ষুদ্ৰ চাহ খেতিয়কে অতি নিম্নতম মূল্যত বিক্ৰী কৰিছে তেনে সময়তে এইজন প্ৰহ্লাদ খনিকৰে ঘৰতে বেম্ব' টী প্ৰস্তুত কৰি আদৰ্শৰ বাট দেখুৱাবলৈ সক্ষম হৈছে ।
লগতে পঢ়ক: সকলো প্ৰত্যাহ্বান নেওচি হাইস্কুল শিক্ষান্ত পৰীক্ষাত সুখ্যাতিৰে উৰ্ত্তীণ তানবীৰ-আঁকিনুৰ
