আমগুৰি,19 জুন: শিৱসাগৰৰ জাঁজীত শুকুৰবাৰে উপস্থিত হয় মুখ্যমন্ত্ৰী সৰ্বানন্দ সোণোৱাল ৷ জাঁজীৰ গড়মূৰ ব্ৰাক্ষ্মণগাঁৱৰ শ্ৰীশ্ৰীশিৱ ও অন্নপূৰ্ণা মন্দিৰত উপস্থিত হৈ আশীৰ্বাদ গ্ৰহণ কৰে ৰাজ্যৰ মুখ্যমন্ত্ৰী গৰাকীয়ে ৷ উক্ত মন্দিৰতে মাজুলীৰ গড়মূৰ সৰু সত্ৰৰ সত্ৰাধিকাৰ শ্ৰীশ্ৰীহৰিদেৱ গোস্বামীৰ সৈতে এক বাৰ্তালাপত মিলিত হয় মুখ্যমন্ত্ৰী সোণোৱাল ৷ উল্লেখ্য যে,মুখ্যমন্ত্ৰী সোণোৱাল গড়মূৰ সৰু সত্ৰৰ সত্ৰাধিকাৰৰ অন্যতম প্ৰিয় শিষ্য ৷
ব্যক্তিগত কাৰ্যসূচীৰে জাঁজীত মুখ্যমন্ত্ৰী
একান্ত ব্যক্তিগত ভ্ৰমণসূচীৰে মন্দিৰটোত উপস্থিত হোৱা মুখ্যমন্ত্ৰী গৰাকীয়ে সত্ৰাধিকাৰৰ লগত বাৰ্তালাপৰ অন্তত মন্দিৰৰ প্ৰসাদ গ্ৰহণ কৰি ডিব্ৰুগড় অভিমুখে ৰাওনা হয় ৷
লগতে চাওকঃ ভূমিস্খলনৰ ফলত বন্ধ কামাখ্যাৰ মূল প্ৰৱেশ পথ
