আমগুৰি ১৯ জানুৱাৰী: শিৱসাগৰৰ গৌৰীসাগৰত মন্ত্ৰী যোগেন মহনক ক'লা পতাকা প্ৰদৰ্শন আছুৰ শতাধিক কৰ্মীৰ ৷ কিছুদিনৰ আগত নিজ সমষ্টিত কা' বিৰোধী ৰাইজৰ পৰা পহুখেদা খোৱা মাহমৰা সমষ্টিৰ বিধায়ক যোগেন মহনে অসম চৰকাৰত নতুনকৈ মন্ত্ৰীত্ব লাভ কৰি দেওবাৰে প্ৰথমবাৰৰ বাবে গৃহ জিলাত উপস্থিত হয় ৷ মন্ত্ৰীত্ব লাভ কৰি গুৱাহাটীৰ পৰা নিজ সমষ্টিলৈ আহি থকা অৱস্থাত যোগেন মহনক গৌৰীসাগৰত আছুৱে ক'লা পতাকা প্ৰদৰ্শন কৰি আদৰণি জনায় ৷ আছুৰ সদস্যসকলে ক'লা পতাকা প্ৰদৰ্শন কৰাৰ উপৰি মন্ত্ৰীজনক গ'বেক, মুৰ্দাবাদ, 'কা' আমি নামানো আদি শ্লোগান দি তীব্ৰ ক্ষোভ প্ৰকাশ কৰে ৷
লগতে পঢ়ক:শিক্ষামন্ত্ৰী সালসলনি সন্দৰ্ভত হিমন্ত বিশ্ব শৰ্মাৰ প্ৰতিক্ৰিয়া
উল্লেখ যে, নিজ সমষ্টিত কেইদিনমান পূৰ্বে সমষ্টিবাসীৰ ৰোষত পৰি পহুখেদা খোৱা যোগেন মহনে চৰম নিৰ্লজ্জতা প্ৰদৰ্শন কৰি গাড়ীৰ ভিতৰৰ পৰা হাত জোকাৰি জোকাৰি আছুৰ প্ৰতিবাদকাৰী সকলক ইতিংকিসূচক প্ৰত্যুত্তৰ দিয়া দেখা যায় ৷
