মৰাণ,২৮ মাৰ্চ: এইবাৰ ড্ৰাগছৰ বিৰুদ্ধে একত্ৰিত হ'ল অসম আৰু নাগালেণ্ড আৰক্ষী (Assam Police & Nagaland Police)। চৰাইদেউৰ অসম-নাগালেণ্ড আন্তঃৰাজ্যিক সীমান্তৰ নামতোলাত অসমৰ চৰাইদেউ জিলা আৰক্ষী আৰু নাগালেণ্ডৰ টিজিট আৰক্ষীৰ যুটীয়া সৌজন্যত সমাজৰ বৰবিহ স্বৰূপ অবৈধ ড্ৰাগছৰ বিৰুদ্ধে দেওবাৰে এক সজাগতা সভা আয়োজন কৰা হয় ।
মূলতঃ সীমান্তৱৰ্তী নামতোলাত অবাধ ড্ৰাগছৰ প্ৰচলন ৰোধ কৰাৰ লক্ষ্যৰে অনুষ্ঠিত কৰা হয় সভাখন । দুয়োখন ৰাজ্যৰ আৰক্ষীয়ে অবৈধ ড্ৰাগছ সৰবৰাহ কৰাৰ ক্ষেত্ৰত অতি পৰিকল্পিত ভাৱে আঁচনি প্ৰস্তুত কৰাৰো পোষকতা কৰে ।
সজাগতা সভাখনত নাগালেণ্ডৰ টিজিট এৰিয়া ষ্টুডেণ্ট ইউনিয়ন, চি আৰ পি এফৰ বিষয়া, টিজিট টাউনৰ একাংশ বিষয় ববীয়া, আদিবাসী ছাত্ৰ সন্থাকে আদি কৰি দুয়োখন ৰাজ্যৰ বহুকেইটা দল-সংগঠনৰ কৰ্মকৰ্তা উপস্থিত থাকে ।
লগতে পঢ়ক: মূল্যবৃদ্ধিক লৈ উত্তাল বিধানসভা: বিৰোধীৰ সদন ত্যাগ
