আমগুৰি, ২২ জুন: আমগুৰিৰ কণমানি পৰশমণি দত্তৰ মুখত হাহি বিৰিঙিল ৷ কিছুদিন পূৰ্বে বিভিন্ন সংবাদ মাধ্যমত প্ৰকাশ হৈছিল শিৱসাগৰ জিলাৰ আঠবছৰীয়া কণমাণি পৰশমণি দত্তৰ জীৱন সংগ্ৰামৰ দুৰ্দশাগ্ৰস্থ কাহিনী ৷ এই কাহিনী প্ৰচাৰ হোৱাৰ পাছতে কণমানিটোক সহায়ৰ বাবে আমগুৰি সমষ্টিৰ কংগ্ৰেছ দলৰ যুৱ নেত্ৰী অংকিতা দত্ত আগবাঢ়ি আহিল । অংকিতা দত্তই অঞ্জন দত্ত ফাউণ্ডেশ্বনৰ ফালৰ পৰা কিছুসংখ্যক কিতাপ,বহী,কলম,পেঞ্চিল দিয়াৰ লগতে পৰিয়ালটিৰ সহায়ক হোৱাকৈ নগদ ধন আগবঢ়ায় । নেত্ৰী অংকিতা দত্তই সংবাদ মাধ্যমৰ বাতৰিক শলাগ লোৱাৰ লগতে সংবাদমাধ্যমে ইতিবাচক বাতৰিয়ে সমাজত সুপ্ৰভাৱ পেলায় বুলি উল্লেখ কৰে । অংকিতা দত্তই আমগুৰি সমষ্টিৰ বিধায়ক প্ৰদীপ হাজৰিকাক দুৰ্দশাগ্ৰস্থ পৰিয়ালটোৰ মাতৃগৰাকীক স্থায়ী সংস্থাপনৰ ব্যৱস্থা কৰিবলৈও আহ্বান জনায়। উল্লেখ্য যে, বাতৰি সম্প্ৰচাৰৰ পিছতেই অভাৱগ্ৰস্থ পৰিয়ালটোৰ মুখত বিৰিঙে উঠে এক আশাৰ হাঁহি ৷
অন্য এক খবৰৰ বাবে: শিৱসাগৰত দিখৌ নদীৰ বান পৰিদৰ্শন মন্ত্ৰী যোগেন মহনৰ
২০১৬ চনতে একাংশ উন্মাদ লোকৰ গণপ্ৰহাৰত মৃত্যু হৈছিল পৰশমণিৰ পিতৃৰ ৷ তাৰ পাছতেই সংগ্ৰাম আৰম্ভ হৈছিল আঠ বছৰীয়া চতুৰ্থ শ্ৰেণীৰ ছাত্ৰ পৰশমণিৰ ৷ এখন চাইকেল আৰু শাক-পাচলিৰে এমুঠি আহাৰৰ বাবে কণমানি পৰশমণিয়ে আৰম্ভ কৰিছিল জীৱনৰ এক নতুন অধ্যায় ৷ বিশেষভাৱে সক্ষম ভাতৃক লৈ অসহায় হৈ পৰা মাতৃক সহায়ৰ বাবে বজাৰে বজাৰে শাক-পাচলি বিক্ৰী কৰিছিল কণমানি পৰশমণিয়ে ৷ কংগ্ৰেছ নেত্ৰীগৰাকীৰ সহায় পাই কণমাণি পৰশমণিৰ এতিয়া সংকল্প এতিয়া সি ভালদৰে পঢ়িব ৷
