চাঞ্চল্যকৰ পত্নী হত্যাকাণ্ড: চোতালতে দাহ কৰিলে মৃতদেহ

আমগুৰিত ৰিমণ গগৈ নামৰ এজন পাষাণ স্বামীয়ে নিজ পত্নীক জ্বলাই দিয়াৰ পাছতে উত্তপ্ত ৰাইজে চোতালতে সৎকাৰ কৰে মৃতদেহ ৷ ইয়াৰ পাছতে উত্তপ্ত পৰিস্থিতিৰ সৃষ্টি হোৱাত মোতায়েন কৰা হয় আৰক্ষী তথা অৰ্দ্ধসামৰিক বাহিনী ৷

আমগুৰি,20 মে': আমগুৰি বৰাহীবাৰীত এগৰাকী সাতমহীয়া সন্তানৰ মাতৃক নিজ স্বামীয়ে হত্যা কৰা অভিযোগ উত্থাপন হৈছে ৷ ইয়াৰ পাছতে উত্তপ্ত ৰাইজে মহিলা গৰাকীৰ মৃতদেহ স্বামী গৃহৰ চোতালতে সৎকাৰৰ ব্যৱস্থা কৰে ৷ চোতালত শৱ দাহ কৰাৰ পাছতে উত্তপ্ত পৰিস্থিত সৃষ্টি হোৱাৰ ফলত মোতায়েন কৰা হয় আৰক্ষী তথা অৰ্দ্ধসামৰিক বাহিনী ৷

ৰিমণ গগৈ আৰু শৰ্মিষ্ঠা চেতীয়া

উল্লেখ্য যে,যোৱা ২৪ এপ্ৰিলত ৰিমণ গগৈ নামৰ এজন পাষাণ স্বামীয়ে নিজ পত্নী শৰ্মিষ্ঠা চেতিয়াক জ্বলাই দিছিল ৷ ঘটনাৰ পাছতে মহিলা গৰাকীক ডিব্ৰুগড় মেডিকেলত ভৰ্ত্তি কৰোৱা হৈছিল যদিও শৰীৰৰ ৭০ শতাংশ অগ্নিদগ্ধ হোৱাৰ ফলত মৃত্যুক সাৱটি লয় মহিলাগৰাকীয়ে৷