নিউজ ডেস্ক, 30 জুলাই : নলবাৰী চহৰৰ শ্বহীদ ভৱনৰ বাকৰিত 21 জানুৱাৰীত সেউজী কাব্যালোচনীৰ উদ্যোগত এখন গ্ৰন্থ উন্মোচনী সভা আৰু কবি সন্মিলন অনুষ্ঠিত হৈছিল । এই কবি সন্মিলনত জনপ্ৰিয় কবি প্ৰণৱ কুমাৰ বৰ্মনৰ নিৰ্বাচিত এশটা কবিতাৰ ইংৰাজী অনুবাদ সংকলন ''WEEP NOT MY LOVE'' নামৰ এখন কবিতাপুথিও উন্মোচন কৰা হয় ।
এই গ্ৰন্থখনৰ ইংৰাজী অনুবাদ কৰিছে নলবাৰী মহাবিদ্যাল়ৰ ইংৰাজী বিভাগৰ প্ৰবক্তা ড৹ ৰঞ্জনা ভট্টাচাৰ্যয় । গুৱাহাটী বিশ্ববদ্যালয়ৰ অৱসৰপ্ৰাপ্ত মুৰব্বী অধ্যাপক ড৹ গোবিন্দ প্ৰসাদ শৰ্মাই কবিতাপুথিখন উন্মোচন কৰে ।
এই গ্ৰন্থ উন্মোচনী সভাত বিশিষ্ট বক্তা হিচাপে উপস্থিত থাকে গুৱাহাটীৰ পাণ্ডু কলেজৰ ইংৰাজী বিভাগৰ মুৰব্বী অধ্যাপক অভিজ্ঞান অনুৰাগ আৰু মুখ্য অতিথিৰ হিচাপে INDIA TODAY ৰ জ্যেষ্ঠ সহকাৰী সম্পাদক কৌশিক ডেকা উপস্থিত থাকে ।
লগতে পঢ়ক-প্ৰকৃতি প্ৰেমীয়ে উদ্ধাৰ কৰিলে ৰোগাক্ৰান্ত বৰটোকোলা
