নলবাৰী,5 ফেব্ৰুৱাৰী : অসম চৰকাৰৰ শিক্ষা বিভাগত বৃহৎ নিযুক্তিকৰণ চলি থকাৰ মাজতে শুকুৰবাৰে নলবাৰীৰ অমায়াপুৰ আদৰ্শ উচ্চ মাধ্যমিক বিদ্যালয়ত সাব্যস্ত কৰা হয় উত্তাল প্ৰতিবাদ ৷ দহ বছৰে বিনা বেতনে কৰ্মৰত শিক্ষক-শিক্ষয়িত্ৰীসকলে এতিয়াও নাপালে চৰকাৰী নিযুক্তি ৷ ইফালে স্কুল দেখি নোপোৱা প্ৰধান শিক্ষকৰ পত্নীয়ে লাভ কৰিলে নিযুক্তি পত্ৰ ৷
অময়াপুৰ আদৰ্শ উচ্চ মাধ্যমিক বিদ্যালয়ৰ প্ৰধান শিক্ষক জিতেন্দ্ৰ নাথ শৰ্মাই কৌশলেৰে নিযুক্তি প্ৰক্ৰিয়াত নাম সোমোৱাৰ অভিযোগ উত্থাপন কৰিছে স্থানীয় ৰাইজে ৷ ইয়াৰ বিৰুদ্ধে স্থানীয় ৰাইজ আৰু বহু দল-সংগঠনে প্ৰতিবাদ সাব্যস্ত কৰি উচিত তদন্তৰে নিকা নিযুক্তি দিয়াৰ বাবে চৰকাৰক দাবী জনায় ৷
প্ৰতিবাদযোগে স্কুলীয়া ছাত্ৰ-ছাত্ৰীয়ে প্ৰধান শিক্ষক মুৰ্দাবাদ আদি শ্ল’গানেৰে বিদ্যালয়ৰ পৰিৱেশ উত্তাল কৰি তোলে ।
লগতে পঢ়ক : নলবাৰীত অসম জাতীয়তাবাদী যুৱ ছাত্ৰ পৰিষদৰ প্ৰতিবাদ
