নলবাৰী,28 জুলাইঃ বাক্সা জিলাৰ মেৰকুছিৰ এগৰাকী বিশেষভাৱে সক্ষম শিল্পী ৷ কৰ'ণা ত্ৰাসৰ বাবে ৰাজ্যত চলা লক ডাউনে জুৰুলা কৰিছে শিল্পীগৰাকীক ৷
পদপথলৈ ওলাই আহিল লক্ ডাউনে জুৰুলা কৰা এগৰাকী শিল্পী
চামচেৰ আলী নামৰ শিল্পীগৰাকীয়ে ট্ৰেইনত গীত গাই টকা উপাৰ্জন কৰি পোহপাল দি আছিল পৰিয়ালটো ৷ সমগ্ৰ দেশত প্ৰদান কৰা লক ডাউনৰ বাবে ৰে'লগাড়ী বা পদপথত গান গোৱা বন্ধ হৈ পৰিল,বন্ধ হৈ পৰিল উপাৰ্জনৰ পথ ৷ কোনোদিন কোনো চৰকাৰী সাহাৰ্য পোৱা নাই বিশেষভাৱে সক্ষম শিল্পী গৰাকীয়ে ৷ গীতেই তেওঁৰ জীয়াই থকাৰ একমাত্ৰ সম্বল ৷ লক্ ডাউনৰ সময়ছোৱাত ঘৰত সোমাই থকাৰ বাবে ভীষণ সমস্যাৰ সন্মুখীন হ'ল পৰিয়ালটো ৷ অৱশেষত উপায়ন্তৰ হৈ পদপথলৈ ওলাই আহি গীত জুৰিলে শিল্পীগৰাকীয়ে ৷ নলবাৰী চহৰলৈ ওলাই আহি পদপথত পৰিৱেশন কৰিলে বহুকেইটা অসমীয়া কালজয়ী গীত ৷
লগতে পঢ়কঃযুৱ প্ৰতিভাক উদগনি জনালে অমিতাভ বচ্চনে
