নলবাৰী, 8 আগষ্টঃ নলবাৰীৰ ৰাজপথত এহাল অসহায় পিতৃ মাতৃ । পুত্ৰক বিচাৰি অনাই বনাই ঘূৰি ফুৰিছে বৃদ্ধ দম্পতীহাল । নলবাৰীৰ গৰেমাৰা গাঁৱৰ ফটিক কলিতা আৰু নিৰো কলিতাৰ পুত্ৰ মহেন্দ্ৰ কলিতাক বিচাৰি ঘূৰি ফুৰিছে অসহায় পিতৃ মাতৃ । প্ৰায় 3 বছৰ পূৰ্বে দম্পতীহালৰ 28 বছৰীয়া পুত্ৰ মহেন্দ্ৰ কলিতাই কামৰ সন্ধানত ওলাই গৈছিল গুৱাহাটীলৈ । তাৰ পিছৰে পৰা সন্ধানহীন হৈ পৰিছে
পুত্ৰ । তেতিয়াৰ পৰা বৰ্তমানলৈ সন্ধান পোৱা নাই মহেন্দ্ৰ কলিতাৰ ৷ ঘৰখনৰ একমাত্ৰ উপাৰ্জন কাৰী পুত্ৰ সন্ধানহীন হোৱাৰ পিছত পৰিয়ালটোৰ অৱস্থা পানীত হাঁহ নচৰাৰ দৰে হৈছে । দম্পতীহালে 2016 চনত নলবাৰী সদৰ থানাত এজাহাৰ দাখিল কৰিছিল যদিও বৰ্তমান পৰ্যন্ত সম্ভেদ লাভ কৰা নাই ৷ যাৰ বাবে পুত্ৰৰ ফটো বুকুত সাৱটি লৈ নলবাৰীৰ ৰাজপথত ঘূৰি ফুৰিছে বৃদ্ধ পিতৃ-মাতৃয়ে ৷
পুত্ৰৰ ফটো বুকুত লৈ নলবাৰীৰ ৰাজপথত এহাল দম্পতী
