নলবাৰী, 16 নৱেম্বৰ : নলবাৰী জিলা প্ৰশাসনৰ উদ্যোগত আৰু তথ্য আৰু জনসংযোগ বিভাগৰ সহযোগত জিলা উপায়ুক্তৰ কাৰ্যালয়ৰ প্ৰেক্ষাগৃহত ৰাষ্ট্ৰীয় প্ৰেছ দিৱস উদযাপন কৰা হয় ৷ উক্ত অনুষ্ঠানত জিলা উপায়ুক্ত পূৰবী কোঁৱৰ, বিধায়ক অশোক শৰ্মাৰ লগতে বিশিষ্ট সাংবাদিক তথা নিয়মীয়া বাৰ্তা কাকতৰ সম্পাদক নৰেশ কলিতাৰ লগতে বিশিষ্ট সাংবাদিক যাদৱসেন ডেকা উপস্থিত থাকে ৷ জিলাখনৰ তথ্য আৰু জনসংযোগ বিষয়া বিনুৰাণী ৰাজবংশীয়ে আঁত ধৰা অনুষ্ঠানটোত কেইবাগৰাকীও জ্যেষ্ঠ সাংবাদিক ক্ৰমে কমলেশ শৰ্মা, ওৱাহিদুজ জামান, বসন্ত দাস, ৰমেন কলিতা, চন্দন কুমাৰ শৰ্মা আদিক সম্বৰ্ধনা জনোৱা হয় ৷ ৰাষ্ট্ৰীয় প্ৰেছ দিৱসৰ লগত সংগতি ৰাখি সংবাদ মাধ্যমৰ ওপৰত কোভিড-১৯ মহামাৰীৰ প্ৰভাৱ আৰু এই সময়ত সংবাদ মাধ্যমৰ কৰ্তব্য শীৰ্ষক এক আলোচনা চক্ৰ অনুষ্ঠিত হয় ৷
নলবাৰীত ৰাষ্ট্ৰীয় প্ৰেছ দিৱস পালন
