ক'ভিড প্ৰটকল ভংগ কৰি নলবাৰীৰ বিদ্যুত সংমণ্ডল কাৰ্যালয়ত ভোজভাত

নলবাৰী জিলাৰ বিদ্যুত সংমণ্ডলৰ কৰ্মচাৰীয়ে ধোৱাচাঙত তুলিলে ক'ভিড প্ৰটকল ৷ চৰকাৰী নীতি-নিয়ম অমান্য কৰি সংমণ্ডলৰ কৰ্মচাৰীয়ে খালে ভোজভাত ৷

নলবাৰী, 24মে': সৰ্বত্ৰে এতিয়া কৰ'ণাৰ আতংক ৷ কৰ'ণাৰ সংক্ৰমণ ৰোধ কৰিবলৈ ৰাজ্য চৰকাৰে জাৰি কৰিছে বহু নীতি-নিৰ্দেশনা ৷ কিন্তু একাংশ চৰকাৰী কৰ্মচাৰীৰ কৰ্ম কাণ্ডই এতিয়া চকু কপালত তুলিছে ৷ চৰকাৰী নীতি-নিয়ম নামানি একাংশই কৰিছে পাৰ্টী ৷ ক'ভিড মহামাৰী নহয় যেন এক উৎসৱহে এই সকল কৰ্মচাৰীৰ বাবে ৷ নলবাৰী জিলাৰ বিদ্যুত সংমণ্ডলৰ কৰ্মচাৰীৰ কাণ্ড এইয়া ৷ কভিড প্ৰটকল ধোৱাচাঙত তুলি সংমণ্ডৰ কৰ্মচাৰীয়ে কৰিছে পাৰ্টী ৷

চৰকাৰী নীতি- নিৰ্দেশনাক ভৰিৰে মোহাৰি সংমণ্ডলটোৰ কৰ্মচাৰী সকল ব্যস্ত থাকিল ভোজভাত খোৱাত ৷ এই কৰ্মচাৰী সকলে চৰকাৰী নিয়মক অমান্য কৰি ব্যস্ত থাকে পাৰ্টী কৰাত ৷ জিলা খনৰ ব্যস্ততাপূৰ্ণ এটা চৰকাৰী কৰ্মচাৰীৰ এই কাণ্ডই এতিয়া জিলাখনত সৃষ্টি কৰিছে নতুন প্ৰতিক্ৰিয়াৰ ৷

ইপিনে কৰ'ণাৰ এই মহামাৰীৰ সময়ত সংমণ্ডলটোৰ কৰ্মচাৰীয়ে খোৱা ভোজভাটক তীব্ৰ ভাষাৰে গৰিহণা দিছে ছাত্ৰ সন্থাই ৷

অন্য এক খবৰৰ বাবে: দম্পতী হত্যাৰ হত্যাকাৰীক ফাঁচিৰ দাবীত উত্তাল বিলাসীপাৰা