নলবাৰী, 7 অক্টোবৰ: নলবাৰীত মৰেল পুলিছগিৰি দেখুৱাই পিছফালৰ পৰা গোৰ মৰা মূল অভিযুক্তক আটক কৰে নলবাৰী আৰক্ষীয়ে ৷ অনৈতিক কাৰ্যৰ অভিযোগ তুলি কিশোৰীগৰাকীক পিচ ফালৰ পৰা বেয়াকৈ প্ৰহাৰ কৰি বীৰত্ব প্ৰদৰ্শন কৰিছিল বিমল বৰ্মনে ৷ অৱশেষত 24 ঘণ্টাৰ ভিতৰত আৰক্ষীয়ে আটক কৰে অভিযুক্তক বিমল বৰ্মনক ৷ বতাহগিলাত অনৈতিক কাৰ্যত জড়িত থকাৰ সন্দেহত ৰাইজে আটক কৰিছিল যুৱকসহ এগৰাকী যুৱতীক ৷
উল্লেখ্য যে, বুধবাৰে যুৱতীগৰাকীকবেয়াকৈ প্ৰহাৰ কৰিছিল বিমল বৰ্মনৰ নামৰ যুৱকজনে ৷ ঘটনা অনুসৰি নলবাৰীৰ বতাহঘিলাত বুধবাৰে সংঘটিত হৈছিল এক অপ্ৰীতিকৰ ঘটনা ৷ তাৰ পাচতেই ছ’চিয়েল মিডিয়াত ভাইৰেল হৈ পৰিছিল যুৱতী গৰাকীক প্ৰহাৰ কৰা ভিডিঅ’টো ৷ আওহতীয়া ঠাইত থকা এটা ঘৰত ফটো উঠিবলৈ গৈছিল এজন যুৱক আৰু এগৰাকী যুৱতী ৷ কিন্তু অসৎ কাৰ্যত লিপ্ত হোৱাৰ সন্দেহত স্থানীয় ৰাইজে দুয়োকে আটক কৰি আৰক্ষীক গতাই দিয়ে ৷
