নলবাৰী, ২৩ ডিচেম্বৰ : বিয়াল্লিছৰ ভাৰত ত্যাগ আন্দোলনৰ শ্বহীদ, নলবৰীয়া ৰাইজৰ গৌৰৱৰ প্ৰতীক মুকুন্দ কাকতিৰ স্মৃতি বিজড়িত নলবাৰী অসামৰিক চিকিৎসালয় (Nalbari Civil Hospital) ৷ এই চিকিৎসালয়ক নিৰ্মীয়মান নলবাৰী চিকিৎসা মহাবিদ্যালয়ৰ সৈতে সংলগ্ন কৰা হ’ব (Nalbari Medical College Hospital) ।
ইতিমধ্যে এই সন্দৰ্ভত অসম চৰকাৰে জাৰি কৰিছে এক নিৰ্দেশনা । চলিত বৰ্ষৰ বিগত ৫ মে’ত অসম চৰকাৰে জাৰি কৰা নিৰ্দেশনা পত্ৰখন ৰাজহুৱা হোৱাৰ পিচতে এতিয়া সৃষ্টি হৈছে তীব্ৰ প্ৰতিক্ৰিয়াৰ । জাঙুৰ খাই উঠিছে নলবাৰীৰ বহু দল-সংগঠনৰ লগতে সাধাৰণ ৰাইজ ।
নিৰ্দেশনা পত্ৰ মৰ্মে, চৰকাৰে শ্বহীদ মুকুন্দ কাকতি অসামৰিক চিকিৎসালয়ৰ মুখ্য প্ৰশাসনিক বিষয়াগৰাকীক নলবাৰী চিকিৎসা মহাবিদ্যালয়ৰ অধ্যক্ষ তথা মুখ্য অধীক্ষক হিচাবে কৰিব নিযুক্তি দিয়া হ’ব । অসামৰিক চিকিৎসালয়খনৰ সকলো পদেই হ’ব নলবাৰী চিকিৎসা মহাবিদ্যালয়ৰ সংলগ্ন পদ । অৱশ্যে নলবাৰী চিকিৎসা মহাবিদ্যালয়ৰ কাম-কাজ আৰম্ভ নোহোৱা পৰ্যন্ত শ্বহীদ মুকুন্দ কাকতি অসামৰিক চিকিৎসালয়ৰ বিত্তীয় ব্যৱস্থাৰে চলিব দৰ্মহাৰ কাম-কাজ ।
লগতে পঢ়ক : Negligence in construction of express highway : জোনাইত মুখ্যমন্ত্ৰীৰ ভূমি পূজনৰ পূৰ্বেই ৰাইজৰ প্ৰতিবাদ
লগতে অসামৰিক চিকিৎসালয়খনৰ অধীক্ষকগৰাকীক নলবাৰী চিকিৎসা মহাবিদ্যালয় অতিৰিক্ত অধীক্ষক হিচাপে নিয়োজিত কৰা হ’ব । তাৎক্ষণিকভাৱে বলৱৎ হোৱা এই নিৰ্দেশনা মতে, শ্বহীদ মুকুন্দ কাকতি অসামৰিক চিকিৎসালয়ৰ সকলো তথ্য আৰু প্ৰতিবেদন নলবাৰী চিকিৎসা মহাবিদ্যালয়ৰ তথ্য হিচাপে গণ্য কৰা হ’ব ।
আনহাতে, শ্বহীদ মুকুন্দ কাকতি অসামৰি চিকিৎসালয়ৰ ঠাইত এখন কৰ্কট ৰোগৰ চিকিৎসালয় স্থাপন হ’ব বুলিহে চৰ্চা চলি আছে । পিছে কোনখন কৰ্কট ৰোগৰ চিকিৎসালয় হ’ব স্থাপন ? কিছুমাহ পূৰ্বে ডিব্ৰুগড়ৰ পৰা দেশৰ প্ৰধানমন্ত্ৰী নৰেন্দ্ৰ মোডীয়ে নলবাৰী চিকিৎসা মহাবিদ্যালয় চৌহদত ভাৰ্চুৱেলি শিলান্যাস কৰা কৰ্কট হাস্পতালখন নে অন্য এখন এই সন্দৰ্ভত লাভ কৰা নাই কোনো বিশেষ তথ্য ৷ সেয়ে এইক্ষেত্ৰত চৰকাৰক নিজৰ স্থিতি স্পষ্ট কৰাৰ আহ্বান জনাইছে দল সংগঠনৰ সদস্যসকলে ।
ইফালে চৰকাৰৰ এই সিদ্ধান্তৰ বিৰোধিতাৰ দেওবাৰে আছু, যুৱ ছাত্ৰ পৰিষদ, কৰ্মচাৰী পৰিষদ, সাংবাদিক সন্থাকে ধৰি একৈশটাকৈ সংগঠনে একত্ৰিত হৈ আয়োজন কৰিছে নাগৰিক সভাৰ (Mass meeting will be heldin Nalbari) । উল্লেখ্য যে, সদৌ নলবাৰী জিলা ছাত্ৰ সন্থাৰ নেতৃত্বত ইতিমধ্যে একৈশটাকৈ দল সংগঠনে চৰকাৰৰ সিদ্ধান্ত বাতিলৰ দাবীত ৰাজ্যৰ স্বাস্থ্যমন্ত্ৰী তথা সংশ্লিষ্ট বিভাগলৈ প্ৰেৰণ কৰিছে স্মাৰক পত্ৰও ।
লগতে পঢ়ক : Assam assembly winter session: চৰ অঞ্চলৰ লোকৰ বাবে বানপানী হয়: ৰূপজ্যোতি কুৰ্মী
