নলবাৰীত গাঞ্জাসহ আটক এজন

নলবাৰী আৰু কমাৰকুছি আৰক্ষীয়ে গোপন সূত্ৰৰ ভিত্তিত চলোৱা এক অভিযানত জব্দ কৰে প্ৰায় ৬ কেজি গাঞ্জা

নলবাৰী,5 চেপ্তেম্বৰঃ নিশা নলবাৰী কালাগত গাঞ্জাসহ এজনক আটক কৰে নলবাৰী আৰক্ষীয়ে ৷ নলবাৰী আৰু কমাৰকুছি আৰক্ষীয়ে গোপন সূত্ৰৰ ভিত্তিত চলোৱা এক অভিযানত জব্দ কৰে প্ৰায় ৬ কেজি গাঞ্জা ৷ কালাগৰ মোহন তালুকদাৰ নামৰ ব্যক্তি গৰাকীৰ ঘৰৰ পৰা জব্দ কৰা হয় গাঞ্জাখিনি ৷ লগতে আৰক্ষীয়ে গাঞ্জা ব্যৱসায়ী মোহন তালুকদাৰকো আটক কৰে ৷

উল্লেখযোগ্য যে দীৰ্ঘদিন ধৰি মোহন তালুকদাৰ নামৰ লোকজনে নিজ ঘৰতে গাঞ্জাৰ ব্যৱসায় গঢ়ি তুলিছিল ৷ নিজ ঘৰতে থকা ফাৰ্নিচাৰৰ দোকানৰ অচিলা লৈ লোকজনে চলাই আহিছিল গাঞ্জাৰ ক'লা বেহা ৷ অৱশেষত ৰাইজৰ অভিযোগ আৰু আৰক্ষীৰ পোপন তথ্যৰ ভিত্তিত নিশা গাঞ্জাসহ সৰবৰাহকাৰী মোহন তালুকদাৰক আটক কৰে ৷