নলবাৰী, ২৯ছেপ্টেম্বৰ : পথ নহয়, যেন বোকাময় পথাৰহে । নলবাৰীৰ চাউলখোৱাপাৰৰ এটা বিধ্বস্ত পথে দুৰ্ভোগ ভোগাইছে ৰাইজক । চাউলখোৱাপাৰ আৰু বৈঠাভাঙা সংযোগী একমাত্ৰ পথটো বিগত ৪ বছৰ ধৰি জৰাজীৰ্ণ অৱস্থাতে আছে । এজাক বৰষুণতে বোকাময় হৈ পৰা পথটোৰে যাতায়াত কৰিব নোৱাৰা হয় স্থানীয় ৰাইজে । পথটো মেৰমতিৰ বাবে স্থানীয় বিধায়ক তথা মন্ত্ৰী চন্দ্ৰমোহন পাটোৱাৰীক বাৰে বাৰে অনুৰোধ জনোৱাৰ পিছতো একো ফল নধৰিলে ।
নলবাৰীৰ চাউলখোৱাপাৰত পথৰ জৰাজীৰ্ণ অৱস্থা
ৰাইজৰ আহ্বানৰ প্ৰতি কাণসাৰ নাই মন্ত্ৰীৰ । ফলত যাতায়াতৰ নামত হাৰাশাস্তি ভূগিবলগীয়া হৈছে অঞ্চলবাসীয়ে । বিদ্যালয়লৈ অহা-যোৱা কৰা কণ কণ ছাত্ৰ-ছাত্ৰীয়েও এই পথটোৰ বাবে যমৰ যাতনা ভুগিবলগীয়া হৈছে । সেয়ে, পথটো মেৰামতিৰ বাবে পুনৰ চৰকাৰক আহ্বান জনাইছে অঞ্চলবাসীয়ে ।
নলবাৰীৰ চাউলখোৱাপাৰত পথৰ জৰাজীৰ্ণ অৱস্থা
লগতে পঢ়ক : বৰপেটা সত্ৰৰ বুঢ়াসত্ৰীয়া বশিষ্ঠ দেৱ শৰ্মাক ৰাজহুৱা সম্বৰ্ধনা
