নলবাৰী, 21 জানুৱাৰী : অহা 24 জানুৱাৰীত নলবাৰীত বিজয় সংকল্প সমাৰোহত অংশগ্ৰহণ কৰিব কেন্দ্ৰীয় গৃহমন্ত্ৰী অমিত শ্বাহে ৷ উক্ত সমাৰেহ সফলতাৰে অনুষ্ঠিত হোৱাৰ বাবে নলবাৰীত মন্দিৰে মন্দিৰে পূজা অৰ্চনা কৰিছে বিজেপি নেতাই ।
বৃহস্পতিবাৰে নলবাৰীত বিধায়ক অশোক শৰ্মা আৰু পৰ্যটন নিগমৰ অধ্যক্ষ তথা ৰাজ্যিক বিজেপিৰ উপ-সভাপতি জয়ন্তমল্ল বৰুৱাই পূজা-অৰ্চনা কৰা পৰিলক্ষিত হয় । অমিত শ্বাহৰ সভাৰ সফলতা কামনা কৰি দুয়োগৰাকী নেতাই এনেদৰে পূজা অৰ্চনা কৰে ।
নলবাৰীত মন্দিৰে মন্দিৰে পূজা-অৰ্চনা বিজেপি নেতাৰ
দুয়োগৰাকী নেতাই নলবাৰী হৰি মন্দিৰ আৰু বালিলেছা কালী দেৱালয়ত শৰাই-নৈবেদ্য আগবঢ়াই ২৪ জানুৱাৰীত কেন্দুকুছিত অনুষ্ঠিত হ‘বলগীয়া বিজেপিৰ বিজয় সংকল্প সমাবেশৰ সফলতা কামনা কৰে।
লগতে পঢ়ক: আজিৰ পৰা ঐতিহাসিক গোভা দেওৰজাৰ জোনবিল মেলা
