নলবাৰী জিলা ছাত্ৰ সন্থাৰ অৱস্থান ধৰ্মঘট কাৰ্য্যসূচী ৰূপায়ণ

টিহু আঞ্চলিক ছাত্ৰ সন্থাৰ কাৰ্যালয়ত দুৰ্বৃত্তই অগ্নি সংযোগ কৰাৰ প্ৰতিবাদত নলবাৰী জিলা ছাত্ৰ সন্থাই অৱস্থান ধৰ্মঘট কাৰ্য্যসূচী ৰূপায়ণ কৰে ৷

নলবাৰী,20 আগষ্টঃ ৰাষ্ট্ৰীয় নাগৰিকপঞ্জীৰ পূৰ্ণাংগ খচৰা প্ৰকাশৰ প্ৰাকক্ষণত কোনো দুৰ্বৃত্তই টিহু আঞ্চলিক ছাত্ৰ সন্থাৰ কাৰ্যালয়ত নিশা অগ্নি সংযোগ কৰাৰ প্ৰতিবাদত টিহু থানাৰ সন্মুখত শতাধিক জিলা আছু কৰ্মীয়ে অৱস্থান ধৰ্মঘট কাৰ্যসূচী ৰূপায়ণ কৰে ৷ প্ৰতিবাদকাৰীসকলে মুখত ক'লা কাপোৰ বান্ধি অভিনৱ প্ৰতিবাদ সাব্যস্ত কৰে ৷ আছুৰ কাৰ্যালয়ত অগ্নিসংযোগ কৰি আক্ৰমণৰ মূল লক্ষ্য কৰি তোলাত জাঙুৰ খাই উঠিছে জিলা ছাত্ৰ সন্থাৰ লগতে আছুৰ কেন্দ্ৰীয় সমিতি ৷ ছাত্ৰ সংগঠনটোৱে অতি শীঘ্ৰে ঘটনাৰ লগত জড়িত থকা দোষীক কৰায়ত্ব কৰি কঠোৰ আইনী শাস্তি প্ৰদানৰ বাবে দাবী জনাইছে ৷