নলবাৰী, ১৭ এপ্ৰিলঃ নলবাৰীত লকডাউনৰ বিপৰীত ছবি। নলবাৰী চহৰৰ নিচেই কাষৰ সন্ধাত থকা পঞ্চায়ত কাৰ্যলয়ৰ ওচৰত মহিলাৰ লানি নিচিগা শাৰী । কাৰ্যালয়টোৰ গাতে লাগি থকা অসম গ্ৰামীণ বিকাশ বেংকৰ গ্ৰাহক সেৱা কেন্দ্ৰত ভিৰ কৰে মহিলা তথা অঞ্চলবাসীয়ে । অসম গ্ৰামীণ বিকাশ বেংকৰ গ্ৰাহক সেৱা কেন্দ্ৰটোৰ পৰা গ্ৰাহকসকলে টকা উলিয়াবৰ বাবেই কোনো নীতি-নিয়ম নামানি তথা সামাজিক দুৰত্ব বৰ্তাই নাৰাখি ধন উলিয়াবলৈ দীঘলীয়া শাৰী পতা পৰিলক্ষিত হয় ।
উল্লেখ্য যে, ভাৰত চৰকাৰৰ স্বাস্থ্য মন্ত্ৰণালয়ৰ পৰা জিলা খনক ৰেড হটস্পট জিলা হিচাপে ঘোষণা কৰা হৈছে । জিলাখনত বৰ্তমান পৰ্যন্ত পোৱা গৈছে চাৰিজনকৈ কৰ'ণা ভাইৰাছত আক্ৰান্ত ৰোগী । ইফালে ১০০ তকৈ অধিক ব্যক্তি ৰখা হৈছে কোৱাৰেন্টাইনত । তাৰ পাচতো সামাজিক দুৰত্ব বজাই নাৰাখি এনেদৰে দীঘলীয়া শাৰী পাতি ধন উলিওৱা কাৰ্যত শংকিত হৈ পৰিছে সচেতন ৰাইজ ।
লগতে চাওকঃ যোৰহাটত আৰ্তজনৰ কাষত এজন আৰক্ষী বিষয়া
