নলবাৰীত সাংস্কৃতিক প্ৰকল্প আৰু সাংস্কৃতিক মঞ্চৰ আধাৰশিলা স্থাপন

সাংস্কৃতিক প্ৰকল্প স্থাপন কৰাৰ লগতে অসমৰ সংস্কৃতিক ঐতিহ্য ৰক্ষা কৰাৰ প্ৰতিশ্ৰুতি মন্ত্ৰী নৱ কুমাৰ দলেৰ

নলবাৰী, ৫ মাৰ্চ: মঙলবাৰে সাংস্কৃতিক প্ৰকল্প আৰু সাংস্কৃতিক মঞ্চৰ আধাৰশিলা স্থাপনৰ অনুষ্ঠান সম্পন্ন কৰা হয় নলবাৰীৰ বৰআজাৰাত ।
অসম চৰকাৰৰ সাংস্কৃতিক সঞ্চালকালয়ৰ উদ্যোগত আৰু নলবাৰী জিলা প্ৰশাসনৰ সহযোগত অনুষ্ঠিত হোৱা এই আধাৰশিলা স্থাপনৰ কাৰ্যসূচীত অংশ গ্ৰহণ কৰে সাংস্কৃতিক মন্ত্ৰী নৱ কুমাৰ দলেয়ে । আধাৰশিলা স্থাপন কৰি মন্ত্ৰী গৰাকীয়ে কয় যে- অসমৰ সামগ্ৰিক বিকাশৰ ক্ষেত্ৰত ৰাজ্যত সোনোৱাল চৰকাৰে বিভিন্ন আঁচনি গ্ৰহণ কৰিছে ।

সংস্কৃতিত চহকী অসমৰ সংস্কৃতিক ঐতিহ্যক জীয়াই ৰখাৰ বাবে বিজেপি চৰকাৰে সদায় কাম কৰি যাব ।এই সভাত উপস্থিত পৰিবহণ মন্ত্ৰী চন্দ্ৰমোহন পাটোৱাৰী, বিধায়ক অশোক শৰ্মা , বৰক্ষেত্ৰী সমষ্টিৰ বিধায়ক নাৰায়ণ ডেকা, জিলা উপাযুক্ত ভাৰত ভূষণ দেব চৌধুৰীৰ লগতে বিজেপিৰ ৰাজ্যিক সাংগঠনিক সম্পাদক ফণীন্দ্ৰ নাথ শৰ্মা উপস্থিত থাকে ।