নলবাৰী, 2 জুন : ড্ৰাগছ সেৱনকাৰী আৰু সৰবৰাহকাৰীৰ বিৰুদ্ধে বুধবাৰে ওলাই আহিল নলবাৰীৰ মুকালমুৱাৰ এখন গাঁৱৰ ৰাইজ ৷ আৰক্ষীৰ সমান্তৰালকৈ এইবাৰ ৰাইজ ওলাই আহিল ড্ৰাগছ সৰবৰাহকাৰী আৰু ড্ৰাগছ আসক্তৰ বিৰুদ্ধে । মুকালমুৱাৰ লছিমা গাঁৱত ৰাইজে তিনি ড্ৰাগছ সেৱনকাৰীক খেদি খেদি কৰায়ত্ব কৰাৰ লগতে উত্তম-মধ্যম শোধাই গতাই দিয়ে দৌলাশাল আৰক্ষীক ।
ধৃত তিনি ড্ৰাগছ সেৱনকাৰী ক্ৰমে- বামুণবড়ী গাঁৱৰ আজিজুৰ আলী, লছিমা গাঁৱৰ অহেদ আলী আৰু চলেমান আলী বুলি জানিব পৰা গৈছে । ড্ৰাগছ সেৱন কৰি থকা অৱস্থাত ৰাইজে কৰায়ত্ব কৰে ড্ৰাগছ সেৱনকাৰী তিনিটাক ।
ঘটনাস্থলীত দৌলাশাল আৰক্ষী উপস্থিত হৈ ড্ৰাগছ আসক্ত তিনিটাক দৌলাশাল আৰক্ষী চকীলৈ লৈ যায় । ড্ৰাগছ বিৰোধী অভিযানত আৰক্ষী-প্ৰশাসনৰ লগতে মুকালমুৱাত এইবাৰ ৰাইজকো কঠোৰ হোৱা পৰিলক্ষিত হৈছে ৷
লগতে পঢ়ক : বঙাইগাঁৱত কাঠফলা মিল সহ লক্ষাধিক টকাৰ কাঠ জব্দ
