নলবাৰী, 29 আগষ্টঃ অসম আন্দোলনৰ নেতা, আঞ্চলিকতাবাদৰ ধ্বজাবাহক, অসম গণ পৰিষদৰ জ্যেষ্ঠ নেতা, প্ৰাক্তন ছাত্ৰ নেতা, প্ৰাক্তন পৌৰপতি, নলবাৰীৰ গৌৰৱ তথা সু-অভিনেতা অকন মল্ল বৰুৱাৰ দেহৱসান ৷ শুকুৰবাৰে নিশা নিজ বাস গৃহত শেষ নিশ্বাস ত্যাগ কৰে বৰুৱাই । মৃত্যুৰ সময়ত এই বিশিষ্ট ব্যক্তি গৰাকীৰ বয়স ৭৫ বছৰ । বিগত কেইবা বছৰ ধৰি ৰোগাগ্ৰস্থ হৈ আছিল । অসম গণ পৰিষদ নলবাৰী সমিতিৰ জন্ম লগ্নৰে পৰা দীৰ্ঘদিন ধৰি সভাপতি আছিল অকনমল্ল বৰুৱা ।
আনহাতে, আঞ্চলিকতাবাদী নেতা গৰাকীৰ মৃত্যুত তেখেতৰ বাসগৃহত বিভিন্ন দল সংগঠনৰ লগতে অগপ দলৰ নেতা কৰ্মী উপস্থিত হৈ গভীৰ শোক প্ৰকাশ কৰাৰ লগতে পৰিয়াললৈ সংবেদনা জ্ঞাপন কৰে । তাৰোপৰি শনিবাৰে ৰাতিপুৱা অকন মল্ল বৰুৱাৰ বাসগৃহত উপস্থিত হয় অসমৰ যোগান বিভাগৰ মন্ত্ৰী ফণী ভূষণ চৌধুৰী । মন্ত্ৰী গৰাকীয়ে অকন মল্ল বৰুৱাৰ বিয়োগত গভীৰ শোক প্ৰকাশ কৰি অসম গণ পৰিষদৰ তৰফৰ পৰা অকন মল্ল বৰুৱাক শ্ৰদ্ধাঞ্জলি জ্ঞাপন কৰে । মন্ত্ৰী গৰাকীয়ে প্ৰকাশ কৰে যে, অকন মল্ল বৰুৱা এজন শুদ্ধ অসম আঞ্চলিকতাবাদী নেতা । তেখেতে বিয়োগত নলবাৰী জিলাৰ লগতে সমগ্ৰ অসমত শোকৰ ছাঁ প্ৰভাৱ পৰিছে ।
লগেত পঢ়কঃ অসম ৰাজ্যিক দলৰ জ্যেষ্ঠ মহিলা ফুটবলাৰ পায়েল দাসলৈ আৰ্থিক সাহাৰ্য
