নলবাৰী,27 আগষ্ট: নলবাৰী জিলাত উদ্ধাৰ হৈছে এক অচিনাকী পুৰুষৰ মৃতদেহ ৷ চহৰখনৰ সমীপেৰে বৈ যোৱা পাগলাদিয়া নৈত উদ্ধাৰ হোৱা মৃতদেহটো এইপৰ্যন্ত চিনাক্ত হোৱা নাই ৷ সন্ধাত পাগলাদিয়া নৈৰ পানী যুঁৱলিত মৃতদেহটো পৰি ৰোৱা প্ৰত্যক্ষ কৰে অঞ্চলটোৰ স্থানীয় লোকে ৷ উক্ত মৃতদেহ উদ্ধাৰক কেন্দ্ৰ কৰি সম্প্ৰতি অঞ্চলটোত সৃষ্টি হৈছে চাঞ্চল্যৰ ৷ স্থানীয় লোকৰ খবৰৰ ভিত্তিত অঞ্চলটোত নলবাৰী আৰক্ষী উপস্থিত হৈ আৰম্ভ কৰিছে প্ৰাথমিক তদন্ত ৷
অচিনাক্ত মৃতদেহ উদ্ধাৰ
ইফালে এয়া হত্যা নে আত্মহত্যা নে কোনো লোকে নদীত গা ধুবলৈ গৈ মৃত্যুবৰণ কৰিলে সেয়া স্পষ্ট হোৱা নাই ৷ আৰক্ষীৰ অনুসন্ধানত সকলো তথ্য পোহৰলৈ অহাৰ আশংকা প্ৰকাশ কৰিছে ৰাইজে ৷ সম্প্ৰতি মৃতদেহটোৰ মৰণোত্তৰ পৰীক্ষাৰ ব্যৱস্থা কৰিছে আৰক্ষীয়ে ৷
লগতে চাওকঃ নলবাৰীত চিকিৎসকৰ বিৰুদ্ধে এজাহাৰ
