নলবাৰীত সাংবাদিকক ক’ভিড প্ৰতিষেধক প্ৰদান

জয়ন্ত মল্ল বৰুৱা আৰু মন্ত্ৰী চন্দ্ৰমোহন পাটোৱাৰীৰ প্ৰচেষ্টাত নলবাৰীত সাংবাদিক আৰু সাংবাদিকৰ পৰিয়ালক ক’ভিড প্ৰতিষেধৰ প্ৰদান কৰা হয় ৷

নলবাৰী, 28 মে’ : ক’ভিডৰ ভয়াৱহতাৰ সময়চোৱাত স্বাস্থ্যকৰ্মী, আৰক্ষী সকলৰ সমান্তৰালকৈ সাংবাদিক সকলেও নিজৰ জীৱনক তুচ্চ কৰি জনসাধাৰণক প্ৰতিটো সময়ৰ খবৰ সময়ত প্ৰেৰণ দি আহিছে ৷ তেওঁলোকৰ সুৰক্ষাৰ প্ৰতি লক্ষ্য ৰাখি বৃহস্পতিবাৰে নলবাৰীত সাংবাদিক আৰু সাংবাদিকৰ পৰিয়াল বৰ্গক ক’ভিড প্ৰতিষেধক প্ৰদান কৰা হয় ৷

নলবাৰী সমষ্টিৰ বিধায়ক জয়ন্ত মল্ল বৰুৱা আৰু মন্ত্ৰী চন্দ্ৰমোহন পাটোৱাৰীৰ প্ৰচেষ্টাত বৃহস্পতিবাৰে নলবাৰী প্ৰেছ ক্লাবত প্ৰদান কৰা হয় এই ক’ভিড প্ৰতিষেধক ৷ উল্লেখ্য যে, জিলা খনৰ সাংবাদিক আৰু সাংবাদিক সকলৰ পৰিয়ালৰ প্ৰায় দুশ গৰাকীৰ অধিক লোকে প্ৰেছ ক্লাবত ক’ভিডৰ প্ৰতিষেধক গ্ৰহণ কৰে ৷

লগতে পঢ়ক : মাজুলীত খহনীয়া ৰোধৰ প্ৰতিশ্ৰুতি জলসম্পদ মন্ত্ৰী পীযুষ হাজৰিকাৰ