নলবাৰী, 22 ছেপ্টেম্বৰ : নলবাৰী জিলাৰ বিদ্যালয় সমূহৰ পৰিদৰ্শকৰ কাৰ্যালয়ৰ উচ্চ বৰ্গৰ সহায়কে জালিয়াতিৰ আশ্ৰয় লৈ কৰি আছে চাকৰি । বয়স ফাঁকিৰে কৰি আছে চাকৰি । দুবছৰ পূৰ্বেই অৱসৰ পাবলগীয়া কৰ্মচাৰী তৰুণ বৰ্মনে বয়স ফাঁকিৰে এতিয়াও চৰকাৰী চাকৰীত কৰ্মৰত হৈ আছে ।
তথ্য মতে, দুবছৰ পূৰ্বেই চাকৰিৰ পৰা অৱসৰ ল'ব লগা তৰুণ বৰ্মনৰ চাৰ্ভিছ বুকত জন্মৰ তাৰিখ লিখা আছে ১-০৭-১৯৬২। কিন্তু চিয়াহীৰ দাগ পেলাই থোৱা দেখি সন্দেহ হোৱাত প্ৰকৃত তথ্য বিচাৰে শিক্ষা বিষয়া সীমান্ত ডেকাই । তৰুণ বৰ্মনে নিজে বয়সৰ প্ৰমান পত্ৰ দাখিল নকৰাত সীমান্ত ডেকাই তথ্য বাহিৰ কৰি দেখে যে তৰুণ বৰ্মনৰ প্ৰকৃত জন্ম তাৰিখ হ’ল ১-০৭- ১৯৫৯ ৷
এই তথ্য পোহৰলৈ অহাৰ পাছত বিদ্যালয় সমূহৰ পৰিদৰ্শকে নলবাৰী সদৰ থানাত এজাহাৰ দাখিল কৰে । পশ্চিম বৰভাগ উচ্চতৰ মাধ্যমিক বিদ্যালয়ৰ শিক্ষক উমেশ চন্দ্ৰ দাসৰ নামো সাঙোৰ খাইছে এই বয়স ফাঁকি কেলেংকাৰীত ।
লগতে পঢ়ক: ভূ-মাফিয়া আৰক্ষীৰ জালত পৰাৰ পাছতে বুকু দুৰু দুৰু কঁপিছে ৰৌ-বৰালীৰ
ইতিমধ্যে শিক্ষক উমেশ চন্দ্ৰ দাসৰ বিৰুদ্ধে ঘগ্ৰাপাৰ আৰক্ষী থানাত এজাহাৰ দাখিল কৰিছে পশ্চিম বনভাগ উচ্চতৰ মাধ্যমিক বিদ্যালয়ৰ অধ্যক্ষাই । একেদৰে নলবাৰীৰ ঠুটিকাটাৰ ডেকাবৰুৱাৰ ভূই এম ই মাদ্ৰাছাৰ শিক্ষক আলাউদ্দিন দেৱানেও শিক্ষাৰ প্ৰমান পত্ৰ জালিয়াতিৰে চাকৰি কৰি থকাৰ অভিযোগ উত্থাপন হৈছে ।
অভিযোগ মতে, মেট্ৰিক ফেইল আলাউদ্দিন দেৱানে শিক্ষাগত অৰ্হতাৰ প্ৰমানপত্ৰ জাল কৰি ১৯৯২ চনৰ পৰা কৰি আছে চাকৰি ৷ পশ্চিম নলবাৰী খণ্ড সমল কেন্দ্ৰৰ বিষয়া সমীন বৈশ্যই দেৱানৰ বিৰুদ্ধে বেলশৰ আৰক্ষী থানাত দাখিল কৰিছে এজাহাৰ ।
লগতে পঢ়ক:পহিলা অক্টোবৰৰ পৰা আৰম্ভ হ'ব নৱম আৰু একাদশ শ্ৰেণীৰ পাঠদান
