আপোনাৰ সহায়ে হাঁহি আনি দিব পূজাৰ জীৱনলৈ

এগৰাকী কণমানি ছাত্ৰী ৷ হাঁহি-মাতি জীৱন উদযাপন কৰাৰ সময়তেই দুৰ্ভগীয়া ছাত্ৰীগৰাকীৰ দেহত থিতাপি লৈছে দুৰাৰোগ্য কৰ্কট ৰোগে ৷

নলবাৰী, 26 এপ্ৰিল : এই দুৰ্ভগীয়া ছাত্ৰীগৰাকীৰ বয়স মাত্ৰ 12 বছৰ৷ নলবাৰীৰ চামতাৰ ইডেন ভেলী একাডেমীত সপ্তম মান শ্ৰেণীত অধ্যয়ন কৰে পূজা বৰ্মন নামৰ ছাত্ৰীগৰাকী ৷

প্ৰায় তিনিমাহৰ পূৰ্বে হঠাৎ ছাত্ৰীগৰাকীৰ হাতত টেমুনাজাতীয় বস্তুৱে দেখা দিয়াত চিকিৎসকৰ শৰণাপন্ন হৈছিল ছাত্ৰীগৰাকীৰ পৰিয়াল ৷ কিন্তু পৰীক্ষণৰ অন্তত ছাত্ৰীগৰাকীৰ হাড়ত কৰ্কটৰোগে দেখা দিয়া বুলি ধৰা পৰাত হতাশাগ্ৰস্ততাত ভোগে ছাত্ৰীগৰাকীৰ পৰিয়াল ৷ গুৱাহাটীৰ পাটনা হাস্পতালত বৰ্তমানে ছাত্ৰীগৰাকীৰ চিকিৎসা অব্যাহত ৰাখিছে পৰিয়ালৰ লোকে ৷ ছাত্ৰীগৰাকীৰ উন্নত চিকিৎসাৰ বাবে ৰাজ্যৰ বাহিৰলৈ প্ৰেৰণ কৰিবলৈ পৰিয়ালৰ লোকক নিৰ্দেশ দিছে চিকিৎসকে ৷ কিন্তু অৰ্থৰ অভাৱত উন্নত চিকিৎসাৰ পৰা থমকি ৰ'বলগীয়াত পৰিছে দুৰ্ভগীয়া পৰিয়ালটো ৷ বহিঃৰাজ্যত ছাত্ৰীগৰাকীৰ উন্নত চিকিৎসাৰ বাবে প্ৰয়োজন প্ৰায় 8-10 লাখ টকা ৷ কিন্তু দিন হাজিৰা কৰা ছাত্ৰীগৰাকীৰ পিতৃ অখিল বৰ্মনৰ বাবে এই অসম্ভৱ হৈ পৰিছে এই বৃহৎ পৰিমাণৰ ধন গোটোৱাটো ৷ পূজাৰ বৰ্মন সন্দৰ্ভত আমাৰ এক প্ৰতিবেদন ...