নলবাৰী, 8 এপ্ৰিল : নলবাৰীত অসম আন্দোলনৰ অগ্ৰণী নেতা, বিশিষ্ট সাহিত্যিক নলবাৰীৰ সু-সন্তান হিৰণ্য কুমাৰ ভট্টাচাৰ্য দেৱলৈ একাঁজলি শ্ৰদ্ধাঞ্জলি জনায় সদৌ অসম ছাত্ৰ সন্থাই ৷ নলবাৰী চহৰৰ শ্বহীদ ভৱনৰ বাকৰিত বৃহস্পতিবাৰে আয়োজন কৰা হয় এই শ্ৰদ্ধাঞ্জলি অনুষ্ঠানৰ ৷
বৃহস্পতিবাৰে সন্ধিয়া অনুষ্ঠিত হোৱা শ্ৰদ্ধাঞ্জলি অনুষ্ঠানত উপস্থিত থাকে সদৌ অসম ছাত্ৰ সন্থাৰ শিক্ষা সম্পাদক ভৱজিৎ বেজবৰুৱা, নলবাৰী জিলা ছাত্ৰ সন্থাৰ সভাপতি গুণজ্যোতি পাঠক, সম্পাদক অক্ষয় ডেকা, আঞ্চলিক ছাত্ৰ সন্থাৰ সভাপতি ৰুবুল বৰ্মন, সম্পাদক নৱ কুমাৰ ডেকা, হিৰণ্য কুমাৰ ভট্টাচাৰ্য দেৱৰ পৰিয়ালবৰ্গ, নলবাৰী জিলা সাহিত্য সভাৰ সভাপতি, বিশিষ্ট নাট্যকাৰ ধ্ৰুৱজ্যোতি শৰ্মা, নলবাৰীৰ জ্যেষ্ঠ সাংবাদিক বৃন্দকে প্ৰমুখ্য কৰি বিশিষ্ট লোকসকল ।
লগতে পঢ়ক: তিতাবৰত অত্যাধুনিক এগ্ৰ' ৰাইচ মিল উদ্বোধন
