নলবাৰী,13ছেপ্তেম্বৰঃ দেওবাৰে নলবাৰীত সংঘটিত হয় এটা পথ দুৰ্ঘটনা ৷ তীব্ৰবেগী ট্ৰেক্টৰৰ খুন্দাত নিহত হয় এগৰাকী কিশোৰী । জানিব পৰা মতে,কিশোৰীগৰাকীয়ে ককায়েকৰ বাইকৰ পিছত উঠি নতুন কাপোৰ কিনাৰ উদ্দেশ্যে বিজুলীঘাটৰ বজাৰলৈ বুলি গৈ আছিল ৷
কিশোৰীগৰাকীৰ সেই আশা পূৰ্ণ হ’বলৈ নিদিলে তীব্ৰবেগী ট্ৰেক্টৰৰ উদণ্ড ড্ৰাইভাৰে ৷ উল্লেখযোগ্য যে,বালিভৰ্তি ট্ৰেক্টৰে বাইক আৰোহী ককায়েক-ভনীয়েকক অভাৰ টেক কৰিবলৈ লওঁতে খুন্দিয়াই দিয়ে ৷ যাৰফলত ট্ৰেক্টৰৰ খুন্দাত চিটিকি পৰে ককায়েক জেহেৰুল হক আৰু ভনীয়েক নিহা বেগম ৷ লগে লগে স্থানীয় ৰাইজে দুয়োকে নলবাৰী শ্বহীদ মুকুন্দ কাকতি অসামৰিক চিকিৎসালয়লৈ আনে যদিও কিশোৰীগৰাকীক চিকিৎসকে মৃত বুলি ঘোষণা কৰে ৷ সম্প্ৰতি দুৰ্ঘটনাটোক কেন্দ্ৰকৰি অঞ্চলটোত শোকৰ ছাঁ পৰাৰ লগতে তীব্ৰ উত্তেজনাই বিৰাজ কৰিছে ৷
লগতে পঢ়কঃ বাক্সাৰ প্ৰতিভাৱান শিশু ধৃতিৰাজ বৰ্মনৰ কণ্ঠই মুহিছে ৰাইজক
